У Жлобіне са стральбой затрымлівалі бяспраўніка на «Жыгулях»
Супрацоўнікі ДАІ зладзілі кінематаграфічную пагоню.
Скрыншот відэа: МУС
Інцыдэнт адбыўся на мінулых выхадных. Супрацоўнікі ППС заўважылі аўтамабіль ВАЗ-2107, які віхляў па дарозе. Міліцыянты перадалі арыенціроўку найбліжэйшаму нараду ДАІ.
Загад супрацоўнікаў Дзяржаўтаінспекцыі спыніцца кіроўца «Жыгулёў» праігнараваў і паспрабаваў схавацца. Спыніць уцекача ўдалося толькі пасля двух папераджальных стрэлаў у паветра, паведамляе МУС.
Аўтамабілем, як аказалася, кіраваў 18-гадовы бяспраўнік. На пасажырскім сядзенні знаходзіўся 22-гадовы малады чалавек, які раней прыцягваўся да крымінальнай адказнасці за язду без правоў.
На кіроўцу склалі сем адміністрацыйных пратаколаў. Машыну адправілі на штрафстаянку, а маладзёнаў змясцілі ў СІЗА за непадпарадкаванне.
Чытайце таксама:
У Слуцку даішнікі зладзілі пагоню са стралянінай
ГУБАЗіК зноў са стральбой затрымліваў чалавека. На гэты раз за хабар
Міліцыянты зноў стралялі ў чалавека
У Бабруйску мужчына з нажом нападаў на прахожых. Міліцыянты ў яго стралялі
У Рэчыцкім раёне міліцыянты застрэлілі нецвярозага мужчыну са зброяй
