U Žłobinie sa stralboj zatrymlivali biaspraŭnika na «Žyhulach»
Supracoŭniki DAI zładzili kiniematahrafičnuju pahoniu.
Skrynšot videa: MUS
Incydent adbyŭsia na minułych vychadnych. Supracoŭniki PPS zaŭvažyli aŭtamabil VAZ-2107, jaki vichlaŭ pa darozie. Milicyjanty pieradali aryjenciroŭku najbližejšamu naradu DAI.
Zahad supracoŭnikaŭ Dziaržaŭtainśpiekcyi spynicca kiroŭca «Žyhuloŭ» praihnaravaŭ i pasprabavaŭ schavacca. Spynić uciekača ŭdałosia tolki paśla dvuch papieradžalnych strełaŭ u pavietra, paviedamlaje MUS.
Aŭtamabilem, jak akazałasia, kiravaŭ 18-hadovy biaspraŭnik. Na pasažyrskim siadzieńni znachodziŭsia 22-hadovy małady čałaviek, jaki raniej pryciahvaŭsia da kryminalnaj adkaznaści za jazdu biez pravoŭ.
Na kiroŭcu skłali siem administracyjnych pratakołaŭ. Mašynu adpravili na štrafstajanku, a maładzionaŭ źmiaścili ŭ SIZA za niepadparadkavańnie.
Čytajcie taksama:
U Słucku daišniki zładzili pahoniu sa stralaninaj
HUBAZiK znoŭ sa stralboj zatrymlivaŭ čałavieka. Na hety raz za chabar
Milicyjanty znoŭ stralali ŭ čałavieka
U Babrujsku mužčyna z nažom napadaŭ na prachožych. Milicyjanty ŭ jaho stralali
U Rečyckim rajonie milicyjanty zastrelili niećviarozaha mužčynu sa zbrojaj
