Нават у сталіцы не хапае 20% медыкаў
Сталічным медустановам не хапае спецыялістаў рознага профілю — дактароў агульнай практыкі, лабараторнай дыягностыкі, рэнтгенолагаў, педыятраў, дзіцячых отарыналарынголагаў і траўматолагаў. Пра гэта расказаў старшыня камітэта па ахове здароўя Мінгарвыканкама Ігар Юркевіч, паведамляе «Мінск-Навіны».
Юркевіч гаворыць, што ў кожнай установе сітуацыя з кадрамі адрозніваецца, але ў цэлым больш за ўсіх патрэбныя педыятры і дактары агульнай практыкі. Што да педыятрыі, тут запатрабаваны вузкія спецыялісты.
У цэлым патрэбнасць у кадрах у сталічнай ахове здароўя такая: вакантныя пасады 2 300 спецыялістаў з сярэдняй медыцынскай адукацыяй і 1 300 — з вышэйшай.
— У Мінску ўкамплектаванасць (па фізічных асобах) медыкамі складае 79%, каэфіцыент сумяшчальніцтва — 1,17, — кажа Юркевіч. — Работнікамі з сярэдняй медыцынскай адукацыяй арганізацыі аховы здароўя ўкамплектаваны на 74,6%, каэфіцыент сумяшчальніцтва — 1,27.
Чытайце таксама:
Колькі сапраўды зарабляюць беларускія дактары? Спыталі ў іх
З наступнага набору студэнтаў-медыкаў на адпрацоўку адправяць амаль 90%
