Цюменец увёз з Беларусі 28 машын «для асабістага карыстання»
Цяпер яму давядзецца заплаціць вялізны штраф.
Фота ілюстрацыйнае
Жыхар Цюмені пераганяў аўтамабілі з Беларусі з пачатку 2022 года па чэрвень 2023-га. Мытнікаў ён запэўніваў, што машыны ўвозіць выключна для асабістага карыстання.
«З пачатку 2022 года па ліпень 2023 года ўраджэнец Цюменскай вобласці завёз у Расію з Рэспублікі Беларусь 28 транспартных сродкаў: BMW X7, Kia Rio, Volkswagen Tiguan. У заяве на аплату ўтылізацыйнага збору ён пазначыў каэфіцыент, які прымяняецца пры ўвозе фізічнай асобай для асабістых і сямейных патрэб», — расказалі на мытні парталу ura.news.
Аднак неўзабаве высветлілася, што на ўлік мужчына паставіў толькі два аўтамабілі, астатнія былі паспяхова прададзеныя. Цяпер цюменцу давядзецца заплаціць 7 мільёнаў расійскіх рублёў — гэта больш за 75 тысяч даляраў.
Нядаўна Польшча, Літва і Латвія перасталі выпускаць у Беларусь аўтамабілі з аб'ёмам рухавіка больш за 1,9 літра і коштам больш за 50 тысяч даляраў. Такім чынам краіны змагаюцца з пастаўкай дарагіх аўто ў Расію ў абыход санкцый.
Чытайце таксама:
Латвія ўслед за Польшчай перастала пускаць у Беларусь машыны на транзітных нумарах
«На мяжы калапс». Польшча ўвяла абмежаванні па ўвозе аўтамабіляў праз беларускі пагранпераход
Польшча перастала прапускаць у Беларусь легкавыя аўтамабілі на транзітных нумарах
