МЗС Германіі больш не будзе называць Пуціна прэзідэнтам Расіі
На сённяшняй прэс-канферэнцыі прадстаўніца Кабміна ФРГ Крысціяне Хофман заявіла, што «так званыя выбары ў Расеі» не былі «ні свабоднымі, ні справядлівымі», піша BILD.
AP Photo/Alexander Zemlianichenko
«Вынік быў загадзя ясны. Гэта былі недэмакратычныя выбары, — сказала яна. — Панавала атмасфера запалохвання. <…> У Расіі няма свабоды слова».
«Расія, і канцлер ужо казаў пра гэта, цяпер зʼяўляецца дыктатурай і знаходзіцца пад аўтарытарным праўленнем Уладзіміра Пуціна», — дадала Хофман.
Яна рэзка асудзіла правядзенне галасавання на акупаваных тэрыторыях.
На пытанне аб тым, ці будуць улады ФРГ называць Пуціна «прэзідэнтам або кіраўніком», прадстаўнік МЗС ФРГ Себасцьян Фішэр адказаў, што апошнім часам ведамства выкарыстоўвае адно толькі прозвішча Пуцін, без якога-небудзь афіцыйнага тытула.
Чытайце таксама:
Кіраўнік МЗС Латвіі заклікаў сінхранізаваць санкцыі супраць Расіі і Беларусі
«Вынік ашаламляльны». Лукашэнка павіншаваў Пуціна з перамогай на выбарах
ЦВК: Пуцін перамагае на выбарах з рэкорднымі 87,33%. А ў Чачні ў яго наогул 99%
