Сілавікі затрымалі плыўца. Кажуць, што за чахол «маліцеся за Беларусь» на тэлефоне

Дзмітрый Шчэмер. Фота з ягонай старонкі Укантакце (архіўная копія)

Затрыманага клічуць Дзмітрый Шчэмер. Яму 29 гадоў. Вядома, што хлопец доўгі час займаўся плаваннем і мае разрад кандыдата ў майстры спорту. Месца ягонай працы невядомае.

ГУБАЗіК сцвярджае, што яго затрымалі выпадкова — праз чахол на тэлефоне з надпісам «маліцеся за Беларусь» на англійскай мове і выявай нацыянальнай сімволікі. Немагчыма сказаць, ці праўда гэта, але дзеля бяспекі беларусам унутры краіны лепш адмовіцца ад таго, каб насіць на сабе нацыянальную сімволіку, бо вядомыя выпадкі, калі людзі атрымлівалі за гэта суткі арышту і велізарныя штрафы.

Выява мабільнага тэлефона Дзмітрыя з канала ГУБАЗіК

Пасля затрымання ў тэлефоне Дзмітрыя быццам бы адшукалі відэа з пратэстаў, а таксама фота з дваравога чату, дзе ён прапануе людзям макеты пратэсных налепак. Цяпер супраць Шчэмера завялі крымінальную справу. ГУБАЗіК пагражае хлопцу «некалькімі гадамі пазбаўлення волі».

Чытайце таксама:

Затрымліваюць людзей, у якіх адшукалі фота з пратэстаў у Google Photos. Як абараніць сябе — пакрокавы гайд

Як надзейна вычысціць фоты з вашых смартфонаў — падрабязны гайд

Што менавіта сілавікі правяраюць у смартфонах затрыманых беларусаў і як абараніцца

Nashaniva.com

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

1

1

0

1

7

45