Siłaviki zatrymali płyŭca. Kažuć, što za čachoł «maliciesia za Biełaruś» na telefonie

Dźmitryj Ščemier. Fota ź jahonaj staronki Ukantakcie (archiŭnaja kopija)

Zatrymanaha kličuć Dźmitryj Ščemier. Jamu 29 hadoŭ. Viadoma, što chłopiec doŭhi čas zajmaŭsia płavańniem i maje razrad kandydata ŭ majstry sportu. Miesca jahonaj pracy nieviadomaje.

HUBAZiK śćviardžaje, što jaho zatrymali vypadkova — praz čachoł na telefonie z nadpisam «maliciesia za Biełaruś» na anhlijskaj movie i vyjavaj nacyjanalnaj simvoliki. Niemahčyma skazać, ci praŭda heta, ale dziela biaśpieki biełarusam unutry krainy lepš admovicca ad taho, kab nasić na sabie nacyjanalnuju simvoliku, bo viadomyja vypadki, kali ludzi atrymlivali za heta sutki aryštu i vielizarnyja štrafy.

Vyjava mabilnaha telefona Dźmitryja z kanała HUBAZiK

Paśla zatrymańnia ŭ telefonie Dźmitryja byccam by adšukali videa z pratestaŭ, a taksama fota z dvaravoha čatu, dzie jon prapanuje ludziam makiety pratesnych nalepak. Ciapier suprać Ščemiera zaviali kryminalnuju spravu. HUBAZiK pahražaje chłopcu «niekalkimi hadami pazbaŭleńnia voli».

Čytajcie taksama:

Zatrymlivajuć ludziej, u jakich adšukali fota z pratestaŭ u Google Photos. Jak abaranić siabie — pakrokavy hajd

Jak nadziejna vyčyścić foty z vašych smartfonaŭ — padrabiazny hajd

Što mienavita siłaviki praviarajuć u smartfonach zatrymanych biełarusaŭ i jak abaranicca

Nashaniva.com

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH

1

1

0

1

7

45