Запяканка з курыцай, рысам і брокалі — рэцэпт

Фота: eatwell101.com

Вам спатрэбіцца:

• 450 г тонка нарэзаных курыных грудак
• соль і чорны перац
• 3 лыжкі аліўкавага алею
• 1 сярэдняя жоўтая цыбуліна, абабраная і дробна парэзаная
• 2 зубчыкі часнаку, дробна парэзаныя
• 1 кубак даўгазёрнага белага рысу
• 2 кубкі курынага булёну
• 1 кубак вяршкоў тлустасці 12%
• 1 сярэдняя галоўка брокалі, абрэзаная і разрэзаная на невялікія суквецці (каля 3 шклянак)
• 220 г цёртага сыру (напрыклад, чэдару)
• ½ шклянкі паніровачных сухароў
• 2 лыжкі дробна нацёртага пармезану

Як гатаваць:

1. Нагрэйце духоўку да 180℃. Натрыце курыцу 1 чайнай лыжкай солі і ½ чайнай лыжкі перцу.
2. Нагрэйце 1 сталовую лыжку аліўкавага алею ў глыбокай гарачатрывалай патэльні на сярэднім агні. Дадайце цыбулю і часнок і гатуйце, час ад часу памешваючы, пакуль яны не пачнуць размякчацца, каля 5 хвілін.
3. Дадайце рыс і перамяшайце. Дадайце курыны булён, вяршкі і палову чайнай лыжкі солі (можна больш — як вам падабаецца); размяшайце як след. Накрыйце вечкам і адпраўце ў духоўку на 20 хвілін.
4. Дастаньце з духоўкі і перамяшайце. Дадайце курыцу, брокалі і сыр; перамешвайце, пакуль сыр не расплавіцца. Разраўнуйце роўным пластом.
5. Перамяшайце паніровачныя сухары і 2 сталовыя лыжкі аліўкавага алею і пасыпце ежу зверху, потым пасыпце яшчэ пармезанам. Вярніце страву ў духоўку і запякайце, пакуль рыс не стане мяккім, а верх — залаціста-карычневым і пузырыстым, яшчэ 20 хвілін.
6. Патрымайце запяканку ў духоўцы яшчэ ад 2 да 5 хвілін на нізкай тэмпературы, каб запяканка падрумяніліся. Перад падачай астудзіце каля 5 хвілін.

Смачна есці!

Чытайце таксама:

Бліны на аўсянай муцэ — рэцэпт і асаблівасці гатавання

Ідэальны гарнір — капуста, запечаная з соусам тахіні

Топ амлетаў, якія не пакінуць вас абыякавымі. Рэцэпты

Хуткі абед з макаронай орза

Nashaniva.com

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

5

0

0

1

1

0