«Зайшоў не ў тыя дзверы». Спявак Саша Нема расказаў, чаму яго прыбралі з афіш
«Рана ці позна ў кожнага артыста мінае фаза папулярнасці і актыўнай творчай дзейнасці. Але гэта тады, калі ён выпрацаваў свой рэсурс. У маім выпадку — «зайшоў не ў тыя дзверы» або завялі…» — напісаў у інстаграме спявак Саша Нема. І задаўся філасофскім пытаннем: «Перакур ці мяне змыла з афіш назаўжды?»
Саша Нема. Скрыншот інстаграму артыста
Артыст дадаў, што прайшоў час, калі яму было балюча і крыўдна. Саша Нема спадзяецца, што яшчэ некалі вернецца. А цяпер яго цалкам усё навокал задавальняе.
— Я выключыў любыя навіны з любых крыніц гады два таму і ў мяне з'явіўся рэальны шанец ацаніць абстаноўку без меркавання звонку… Там вялікая і вельмі жорсткая інфармацыйная вайна, на жаль. Такі час. Таму я ацэньваю рэальныя падзеі выключна з навакольнага асяроддзя і людзей. Мяне гэта задавальняе. Спадзяюся, мне не трэба будзе тлумачыць і разжоўваць тое, што я напісаў вышэй! Беражыце сябе і майце свае мазгі і галаву на плячах, каб не было як тады! Я вас усіх вельмі люблю.
Сярод іншых, спявак дадаў хэштэгі #беларусь #2020 #выснова.
Нейкімі сумнымі атрымаліся і яго сторыс, нягледзячы на тое, што на відэа Саша Нема пасміхаецца. Артыст распавёў, як учора забыў сумку ў самалёце, і потым абходным шляхам вяртаўся за ёй.
— Дзяўчаткі, якія прыбіралі салон, мяне пазналі: «Вы спявак з тэлевізара». Я кажу: «Я ўжо не з тэлевізара, мяне адтуль выгналі».
На пытанне, чаму, спявак адказаў: «Таму, што я дрэнна сябе паводзіў». На гэта дзяўчаты сказалі, што дазваляюць артысту вярнуцца ў тэлевізар.
У жніўні 2020-га Саша Нема паведамляў, што яго затрымлівалі. Тады ён напісаў: «Падрабязнасцяў не будзе… жорстка, адным словам… асабістыя рэчы, ключы ад кватэры, пашпарт я дагэтуль не магу забраць, хоць было дзве спробы».
Чытайце таксама:
Сілавікі патлумачылі, чаму зацікавіліся папулярнымі блогерамі
Быў затрыманы Дзяніс Кур'ян. А Бонд і Грыбалёвай забаранілі займацца прафесіяй
Саладуха пра затрыманне Грыбалёвай: А яе за што? Дай Бог, каб усё было добра
