У Альпах загінуў 32-гадовы беларус — паслізнуўся на снезе і ўпаў у прорву
Паводле паведамлення мясцовай прэсы, 32-гадовы альпініст загінуў 1 мая ў швейцарскіх Альпах. Ён паслізнуўся і ўпаў у прорву глыбінёй больш за 100 метраў. У іншым паведамленні сцвярджаецца, што гэта быў грамадзянін Беларусі, які даўно ўжо жыў у Германіі.
Фота: fm1today.ch
Здарэнне адбылося ў горным масіве Альпштайн, на схіле самай высокай яе вяршыні пад назвай Зёнціс.
Супрацоўнік мясцовай канатнай дарогі заўважыў, як у 15:45 нейкі мужчына перасякаў снежнае поле, але праз некаторы час страціў яго з поля зроку.
Відавочца адразу паведаміў пра тое, што бачыў чалавека ў небяспечным месцы, у службу авіявыратавання. Падчас пошукавага палёту яна знайшла альпініста на крутой мясцовасці, але ён быў ужо мёртвы.
Паводле папярэдняй інфармацыі, мужчына заблукаў на гары з-за масы снегу. Затым ён паслізнуўся на снезе і ўпаў у прорву глыбінёй больш за сто метраў, паведамляе паліцыя паўкантона Апенцэль-Інеродэн. Сцвярджаецца, што чалавек меў недастатковую для такіх гор экіпіроўку.
Чытайце таксама:
У Славакіі загінула беларуска, яна ратавалася ад мядзведзя
Напісаў, дзе пакінуў рэчы і грошы. Што вядома пра гібель беларуса, якога знайшлі ў польскім порце
Сябры беларускі Ганны, якая загінула на Балі, расказалі пра яе і пра аварыю
