Памежныя пункты Катлоўка і Прывалка на мяжы з Літвой закрываюцца з сакавіка
Літоўскі ўрад вырашыў закрыць з 1 сакавіка памежныя пункты «Лаварышкі» (з боку Беларусі «Катлоўка») і «Райгарад» («Прывалка»). Па гэта сёння паведамляюць літоўскія медыя.
Пункт пропуску «Лаварышкі» (з беларускага боку «Катлоўка»). Фота: news.transinfo.by
Пасля прыняцця Кабінетам міністраў Літвы гэтага рашэння на мяжы з РБ працягнуць працаваць два пункты пропуску — «Мядзінінкай» («Каменны Лог») і Шальчынінкай («Беняконі»).
Акрамя гэтага, літоўскаму ўраду прапанавалі ў два разы зменшыць колькасць рэйсавых аўтобусаў, якія ездзяць праз мяжу РБ і ЛР, і абмежаваць выхад і пасадку пасажыраў у транзітных цягніках, якія ідуць праз чыгуначную станцыю «Кяна».
Раней на мяжы Літвы і Беларусі былі шэсць пунктаў. 18 жніўня былі закрытыя «Шумск» («Лоша») і «Цверач» («Відзы»). На латвійска-беларускай мяжы і польска-беларускай мяжы засталіся па адным памежным пункце.
Чытайце таксама:
Да чаго можа прывесці закрыццё яшчэ двух пунктаў пропуску на мяжы з Літвой
