Мінскае ДАІ за тры дні аштрафавала 133 маршрутчыкаў
З 16 па 26 лютага супрацоўнікі Дзяржаўтаінспекцыі кантралююць выкананне кіроўцамі маршрутак ПДР і іншых актаў заканадаўства ў галіне дарожнага руху, і знаходзяць пры гэтым шмат парушэнняў, паведамляе БелТА.
Фота ілюстрацыйнае
Па звестках УДАІ ГУУС Мінгарвыканкама, з пачатку лютаўскіх прафілактычных мерапрыемстваў да адміністрацыйнай адказнасці былі прыцягнутыя 133 мінскія маршрутчыкі.
Асноўных віды парушэнняў — перавозка пасажыраў у колькасці, большай за наяўнасць месцаў, перавышэнне хуткасці, невыкананне патрабаванняў дарожных знакаў і разметкі, ігнараванне патрабаванняў аб выкарыстанні рамянёў бяспекі, неаддаванне перавагі пешаходам і праезд на забараняльны сігнал святлафора, а таксама тэхнічныя няспраўнасці.
Чытайце таксама:
Год пасля жудаснага ДТЗ пад Смалявічамі: як сёння жывуць родныя ахвяр
У Светлагорску п'яны кіроўца кіраваў маршруткай, поўнай людзей
Як маршрутны бізнэс прагінаюць пад дзяржаўныя аўтапаркі
«Стаміўся прыбіраць салон». Кіроўцы абурыліся перакусам пасажыраў у маршрутках
