Беларусь увайшла ў топ-5 краін з найменшымі цэнамі на яблыкі
Беларусь апынулася ў спісе краін з самымі нізкімі цэнамі на яблыкі. Пра гэта паведамляе маніторынгавае агенцтва Energyprom, заўважыў Myfin.by.
Фота: Siraphol Siricharattakul / vecteezy.com
Эксперты агенцтва Energyprom (Казахстан) вывучылі базу даных Numbeo і высветлілі, што па стане на 13 лістапада бягучага года танней за ўсё кілаграм яблык каштаваў ва Украіне (0,69 даляра). Далей ідуць Паўночная Македонія (0,80 даляра) і Польшча (0,90 даляра).
У Беларусі сярэдняя цана кілаграма яблык выйшла на адным узроўні з Іранам — 0,95 даляра. Менш за адзін даляр за кіло яблыкі таксама каштавалі ў Пакістане (0,97 даляра) і Іраку (0,99 даляра).
А самыя дарагія яблыкі ў свеце — у Паўднёвай Карэі (6,71 даляра), Пуэрта-Рыка (5,96 даляра) і Злучаных Штатах Амерыкі (5,36 даляра).
Чытайце таксама:
У мінскія крамы завезлі вельмі дзіўныя кактусы. Іх можна есці, але костачкі раз'юшваюць
«Жанчына, вазьміце фейхоа!» Што і па якіх цэнах прадаюць на сельскагаспадарчых кірмашах Мінска
У Магілёве 63-гадовая жанчына несла ў торбах 60 кілаграмаў яблык
