«Ці выключаны прас?» Беларусы стварылі праграму, якая дапамагае змагацца з трывогай
Некалькі сяброў сабраліся і вырашылі запусціць уласны праект. Без бюджэту, толькі на энтузіязме і экспертызе. Так з'явіўся IronZen — праграма, якая дапамагае людзям даць рады трывозе, піша Devby.
А пачалося ўсё наступным чынам. Тэсціроўшчык Дзіма рыхтаваўся пакінуць дом, але рабіў шэраг стандартных праверак: ці выключаны газ на пліце, ці зачыненыя вокны, ці ўзятыя ўсе неабходныя рэчы з сабой. Можа быць, пазнаяце сябе ў гэтых паводзінах?
Перад запускам яны вельмі шмат вывучалі інфармацыі аб АКР, чыталі навуковыя артыкулы ў інтэрнэце. Па статыстыцы, ад хваробы пакутуе прыкладна 2% насельніцтва Зямлі.
Усе мы нярэдка забываемся на важныя рэчы і вяртаемся дадому. Кожны можа знайсці для сябе сцэнары выкарыстання праграмы. Можна быць абсалютна здаровым і трывожыцца па дарозе ў аэрапорт, ці ўсё ты ўзяў (-а).
Таму хлопцы вырашылі зрабіць праграму, якая дапаможа даць рады трывожным думкам.
Як гэта працуе.
Вы ствараеце сцэнар, напрыклад, «Выхад з дому», і напаўняеце яго дзеяннямі: «выключыце прас», «выключыце ваду», «пакарміце сабаку (ката)». Перад тым, як пакінуць жыллё, адкрываеце праграму з патрэбным сцэнаром, і адзначаеце дзеянні птушачкамі, па жаданні дадаяце фота.
У любы момант пройдзеныя сцэнары можна паглядзець у гісторыі. А далей займаецеся сваімі справамі, упэўненыя, што дома ўсё ў парадку, нічога не гарыць і не цячэ.
У выніку функцыянал праграмы атрымаўся даволі гнуткім. Адзін карыстальнік юзае IronZen, калі збіраецца на трэніроўку, каб нічога не забыцца. Іншы — збіраецца ў падарожжа з праграмай.
У IronZen мала агульнага з чэк-лістамі, акрамя таго, што трэба дзеянні адзначаць птушачкамі. Гэта значна прасцей, праграма выкарыстоўваецца для агляду жылля перад выхадам, таму і назва яе IronZen — checkup before go.
Фота: Devby.io
Чытайце таксама:
Стартапы паміраюць, а інвестары іх не ратуюць
Сем мабільных праграм, якія дапамагаюць сачыць за сваім бюджэтам