Знайсці
22.06.2023 / 07:283РусŁacБел

Алена Зяленская не жыве разам з мужам з прычын бяспекі

Першая лэдзі Украіны Алена Зяленская не жыве разам з мужам з прычын бяспекі, але цяпер бачыцца з ім кожны дзень, бо працуе ў Офісе прэзідэнта Украіны. Пра гэта яна расказала ў інтэрв'ю Jerusalem Post.

Алена Зяленская. Фота: President.gov.ua

Яна расказала, што пачынае свой дзень з прагляду навін, каб даведацца, куды за ноч ударылі расійскія ракеты. Яна згадала, што будынак у яе родным горадзе Крывым Рогу, міма якога яна праходзіла кожны дзень на працягу многіх гадоў, нядаўна быў разбураны, у выніку загінулі 11 чалавек.

Яна апісала пачуццё, якое можа быць знаёмае шматлікім ізраільцянам: «Я ведаю, як гэта, калі глядзіш навіны, спрабуючы зразумець, што адбылося, і пакуль не атрымаеш афіцыйнага пацвярджэння, ты не ведаеш напэўна, ці ёсць сярод ахвяр твае блізкія».

Паводле яе слоў, на працягу дня яна ходзіць у Офіс і працуе над такімі праектамі, як праграма аховы псіхічнага здароўя, паляпшэнне якасці школьных абедаў і дапамога ахвярам хатняга гвалту, а таксама дае інтэрв'ю і праводзіць тэлефонныя і відэазванкі.

Зяленская жыве асобна ад украінскага прэзідэнта, які спіць у сваім кабінеце дзеля яго бяспекі, а яна кожны дзень вяртаецца да сваіх дзяцей.

«Калі нам пашанцуе, мы сустрэнемся за абедам у офісе, — сказала яна. — У гэты момант ніхто з нас не можа дазволіць сабе ніякага вольнага часу або забаў».

«Я памятаю пустыя вуліцы і апакаліптычнае адчуванне ў Кіеве, але летам горад зноў пачаў напаўняцца жыццём», — сказала яна.

«Часам, калі б вы яшчэ не ведалі, што ідзе вайна, вы б і не даведаліся пра гэта, таму што эканоміка працуе і людзі ідуць на працу. Людзі думалі, што банкі збанкрутуюць, а эканоміка абрынецца, але нейкім чынам мы змаглі гэта вытрымаць», — рэзюмавала яна.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
17
Панылы сорам
1
Ха-ха
1
Ого
1
Сумна
1
Абуральна
2
22.06.2023
zgodzen....nima czasu na pryvatnae .....
4
бедная/адказаць/
22.06.2023
по специальности она хоть раз ра
ботала?
22.06.2023
Pryhožaja žančyna
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
сакавіккрасавікмай
ПНАЎСРЧЦПТСБНД
1234567
891011121314
15161718192021
22232425262728
2930