Гомельскага верніка Андрэя Пуканава судзілі яшчэ адзін раз
Гэтым разам падставай для суда стала адміністрацыйная справа паводле ч. 2 арт. 19.11 КоАП (распаўсюджванне экстрэмісцкай прадукцыі), піша «Гомельская вясна».
Андрэй Пуканаў. Фота: «Штодзень»
Разглядала справу ў судзе Гомельскага раёна суддзя Тамара Застаўнецкая. Па выніку разбіральніцтва ў справе яна прызнала Пуканава вінаватым у распаўсюджванне «экстрэмізму» і пастанавіла пакараць яго штрафам у памеры 15 базавых велічынь (цяпер гэта 555 рублёў).
Гомельскага выкладчыка і верніка затрымалі 18 студзеня наўпрост на працы.
Мужчыну абвінавачвалі ў паклёпе на Лукашэнку паводле ч. 2 арт. 367 КК. Падчас закрытага працэсу ў Гомельскім абласным судзе суддзя Жанна Баль 18 красавіка прызначыла Андрэю Пуканаву 2 гады калоніі агульнага рэжыму.
Чытайце таксама:
Бакалаўра багаслоўя Андрэя Пуканава асудзілі на два гады калоніі
