У Таронта застрэлілі 23-гадовую беларуску
Пра гібель у канадскім Таронта 23-гадовай беларускі паведамляе «Радыё Свабода» на падставе сведчанняў амерыканскіх СМІ, якія ідэнтыфікавалі жанчыну як Віялету Лукошку.
Паліцыю выклікалі каля 4:30 раніцы 10 траўня жыхары дома ў Таронта, якія пачулі гучны стрэл. У доме знайшлі застрэленую жанчыну. Выратаваць яе не ўдалося, паведаміла CTV News.
Паліцыя арыштавала 34-гадовага Кадзіма Робінсана з Таронта, яму прад'яўленыя абвінавачванні ў забойстве другой ступені. Пра матывы не паведамляецца.
На платформе GoFundMe стварылі збор у падтрымку сямʼі. Пахаванне адбудзецца ў панядзелак 15 траўня ў Таронта.
Чытайце таксама:
У Лагойскім раёне мужчына загінуў, перакуліўшыся на самаробным трактары
У Жодзіне сабакі загрызлі гаспадара ў кватэры
У Брэсце на мужчыну абрынуўся мікрааўтобус, які ён выкарыстоўваў у якасці «донара»
