Літоўскае прадпрыемства падазраюць у супрацоўніцтве з беларускім ВПК
Старшыня камітэта Сейма Літвы па нацыянальнай бяспецы і абароне Лаўрынас Кашчунас звярнуўся ў Дэпартамент дзяржбяспекі з просьбай даць ацэнку кантракту літоўскага прадпрыемства Sportinė aviacija ir Ko з беларускім вытворцам беспілотных лятальных апаратаў UAVOS.
Фота: 15min.lt
«Я звярнуўся ў Дэпартамент дзяржбяспекі з просьбай праверыць наяўную інфармацыю. Калі пацвердзіцца, што літоўскія вытворцы ўдзельнічаюць ва ўзмацненні вайсковай моцы Беларусі і Расіі, удзельнічаюць у вытворчых працэсах вырабу сродкаў, якія могуць выкарыстоўвацца супраць Украіны, Літвы, іншых краін НАТА, гэта скандал», — заявіў Кашчунас у эфіры канала LRT.
Літоўская кампанія падпісала кантракт з UAVOS, якая прадставілася як амерыканская фірма з бюро ў Дубаі, Мінску і іншых краінах. Sportinė aviacija ir Ko павінна была спраектаваць крылы грузавых БЛА і навучыць партнёраў іх масавай вытворчасці.
Чытайце таксама:
У Літве пачынаюцца вайсковыя вучэнні супольна з краінамі НАТА
Самы багаты літовец свету прадаў свой беларускі актыў
У Літве хочуць абавязаць публічных асоб дэклараваць сувязі з Беларуссю і Расіяй
Літоўскі парламент забараніў беларусам і расіянам, якія жывуць у Літве, валодаць зброяй