У Мінску знясуць прыватны сектар у раёне вуліцы Арлоўскай. Што будзе замест яго?
Прыватны сектар у Мінску ад вуліцы Арлоўскай да вуліцы Шчадрына будуць зносіць, пратэсты жыхароў не дапамаглі. Як піша агенцтва «Мінск-Навіны», праект забудовы нядаўна разгледзелі на архітэктурна-горадабудаўнічай радзе.
Фота: csl.bas-net.by
Знос дамоў у масіве сядзібнай забудовы Цэнтральнага раёна Мінска абмяркоўваецца даўно. Побач будуецца ЖК «Левада», а таксама пачынаецца будаўніцтва комплексу «Паўночны бераг», што непазбежна запатрабуе развіцця інжынерна-транспартнай інфраструктуры.
Праект забудовы прайшоў грамадскае абмеркаванне летам 2022 года, але ў студзені 2023 года гараджане, якія выступаюць супраць зносу, звярнуліся ў Савет Рэспублікі. Пасля таго праект яшчэ раз разгледзелі на радзе пры галоўным архітэктару і ў выніку вырашылі нічога ў ім не мяняць.
Змены плануюцца ў
квартале ў межах зав. Чарвякова — вул. Нававіленская — Наватарская — Старавіленскі тракт — вул. Шчадрына — Даўгінаўскі тракт.
- Замест прыватнага сектара там з'явяцца шматкватэрныя дамы.
- Гаражы, якія ёсць у гэтым раёне, пакуль застануцца, але пазней іх заменяць шматузроўневыя паркінгі.
- Старавіленскі тракт на ўчастку ад вул. Арлоўскай да зав. Чарвякова будзе рэканструяваны: вуліцу пашыраць, і яна будзе прымыкаць да ўжо абноўленай часткі Даўгінаўскага тракта.
- Вул. Нававіленская стане шырэйшай: на ёй плануецца трамвайная лінія.
- У квартале з'явіцца новая вуліца (праектаваная № 3), а вул. Прыгарадная будзе падоўжаная і пашыраная.
Усе гэтыя змены павінны зрабіць да 2030 года. Пашырэнне Старавіленскага тракта плануецца пачаць ужо ў гэтым годзе.
Квартал у межах Даўгінаўскі тракт — вул. Шчадрына — Гая — Прыгарадная:
- зона сядзібнай забудовы ў асноўным захаваецца, будаўніцтва новых дамоў запланавана толькі ў некалькіх пунктах;
- участкі, на якіх знаходзяцца «Рамаўтадар» і «Зелянбуд» Цэнтральнага раёна, СТА, склады, прадпрыемства «Універсалрэмбуд» адыдуць пад шматкватэрную забудову нізкай шчыльнасці — тут будуць будаваць дамы вышынёй 4-5 паверхаў.
Чытайце таксама:
І каля Драздоў, і ў лесе ў Сцяпянцы. Дзе ў Мінску пабудуюць новыя дамы
Дзе ў Мінску будуць зносіць прыватныя дамы ў найбліжэйшы час
