U Minsku źniasuć pryvatny siektar u rajonie vulicy Arłoŭskaj. Što budzie zamiest jaho?
Pryvatny siektar u Minsku ad vulicy Arłoŭskaj da vulicy Ščadryna buduć znosić, pratesty žycharoŭ nie dapamahli. Jak piša ahienctva «Minsk-Naviny», prajekt zabudovy niadaŭna razhledzieli na architekturna-horadabudaŭničaj radzie.
Fota: csl.bas-net.by
Znos damoŭ u masivie siadzibnaj zabudovy Centralnaha rajona Minska abmiarkoŭvajecca daŭno. Pobač budujecca ŽK «Levada», a taksama pačynajecca budaŭnictva kompleksu «Paŭnočny bierah», što niepaźbiežna zapatrabuje raźvićcia inžynierna-transpartnaj infrastruktury.
Prajekt zabudovy prajšoŭ hramadskaje abmierkavańnie letam 2022 hoda, ale ŭ studzieni 2023 hoda haradžanie, jakija vystupajuć suprać znosu, źviarnulisia ŭ Saviet Respubliki. Paśla taho prajekt jašče raz razhledzieli na radzie pry hałoŭnym architektaru i ŭ vyniku vyrašyli ničoha ŭ im nie mianiać.
Źmieny płanujucca ŭ
kvartale ŭ miežach zav. Čarviakova — vuł. Navavilenskaja — Navatarskaja — Staravilenski trakt — vuł. Ščadryna — Daŭhinaŭski trakt.
- Zamiest pryvatnaha siektara tam źjaviacca šmatkvaternyja damy.
- Haražy, jakija jość u hetym rajonie, pakul zastanucca, ale paźniej ich zamieniać šmatuzroŭnievyja parkinhi.
- Staravilenski trakt na ŭčastku ad vuł. Arłoŭskaj da zav. Čarviakova budzie rekanstrujavany: vulicu pašyrać, i jana budzie prymykać da ŭžo abnoŭlenaj častki Daŭhinaŭskaha trakta.
- Vuł. Navavilenskaja stanie šyrejšaj: na joj płanujecca tramvajnaja linija.
- U kvartale źjavicca novaja vulica (prajektavanaja № 3), a vuł. Pryharadnaja budzie padoŭžanaja i pašyranaja.
Usie hetyja źmieny pavinny zrabić da 2030 hoda. Pašyreńnie Staravilenskaha trakta płanujecca pačać užo ŭ hetym hodzie.
Kvartał u miežach Daŭhinaŭski trakt — vuł. Ščadryna — Haja — Pryharadnaja:
- zona siadzibnaj zabudovy ŭ asnoŭnym zachavajecca, budaŭnictva novych damoŭ zapłanavana tolki ŭ niekalkich punktach;
- učastki, na jakich znachodziacca «Ramaŭtadar» i «Zielanbud» Centralnaha rajona, STA, składy, pradpryjemstva «Univiersałrembud» adyduć pad šmatkvaternuju zabudovu nizkaj ščylnaści — tut buduć budavać damy vyšynioj 4-5 pavierchaŭ.