Тры былыя барты «Белавіі» цяпер лётаюць на рэйсах паўднёваафрыканскай авіякампаніі
У лістападзе 2021 года, яшчэ да трапляння ў 5-ты санкцыйны пакет ЕС, авіякампанія «Белавія» пачала пазбаўляцца ад сваіх самалётаў, якія знаходзіліся ў лізінгу. Тры самалёты цяпер лётаюць у Паўднёвай Афрыцы, піша «МатолькаПамажы».
Большасць з тых бартоў былі бразільскай маркі Embraer. А прычына вяртання іх лізінгадаўцу — ірландскай кампаніі Nordic Aviation Capital — была ў тым, што праз санкцыі бразільскі авіявытворца проста не даў «Белавіі» абноўленую базу звестак, без якой самалёты не могуць лётаць.
Праз год гісторыя атрымала працяг, а дакладней — сваё лагічнае завяршэнне.
Адразу тры барты Embraer ERJ-195, якія раней належалі беларускаму авіяперавозчыку, былі прададзеныя паўднёваафрыканскай авіякампаніі Airline.
Гаворка пра Embraer ERJ-195 EW-532PO, якога Белавія пазбылася 19 лістапада 2021 года, EW-533PO — 24 лістапада 2021 года і EW-545PO — 25 лістапада 2021 года.
Усе тры перайшлі ў валоданне Airline з ліпеня па жнівень 2022 года і падняліся ў паветра ў кастрычніку 2022-га.
Адпаведна змяніліся і іх рэгістрацыйныя нумары:
EW-532PO — ZS-YDA;
EW-533PO — ZS-YDB;
EW-545PO — ZS-YDC.
Але самае цікавае, што новы ўладальнік ужо паспеў нанесці на іх свае лагатыпы, а адзін перафарбаваць цалкам. Ацаніць, як выглядае лагатып «Белавіі» разам з лога авіякампаніі, можна на фота:
