Калоць дровы могуць нават падлеткі, калі ведаць гэтыя лайфхакі

Фота ілюстрацыйнае.

Каб калоць дровы, патрэбная спецыяльная цяжкая сякера — яе называюць «калун», або «тупіца». Яна тупая, але цяжкая, яе не востраць.

Палена мусіць стаяць цвёрда на калодцы, не хістацца.

Біць трэба ў абалону, бліжэй да края, але па лініях умоўных радыусаў, стрыжнявых прамянёў.

Калі ў палене ёсць сучкі, то б'юць між сучкамі. Калі біць у сучок, сякера засядзе.

Вельмі вялікія палены можна калоць з выкарыстаннем клінкоў. Але гэта вам спатрэбіцца толькі для рэальна самых вялікіх.

І апошняе, але самае важнае — тэхніка бяспекі. Стойце так, каб сякера ішла па лініі, якая ўмоўна працягваецца між вашых ног. Каб, калі яна раптам саскочыць, яна ішла не ў нагу, а паміж іх.

На гэтым відэа вы можаце пабачыць добры прыклад:

Сямён Цыбульскі

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

47

4

27

2

2

2