ЗША перакідваюць дадатковыя вайсковыя сілы ў Еўропу
ЗША перакідваюць у еўрапейскія краіны дадатковыя вайсковыя сілы. Прычынай гэтага стала агрэсія і пагрозы з боку Расіі.
Фота: AP
Заяву аб новым разгортванні сіл ЗША ў Еўропе зрабіў амерыканскі лідар Джо Байдэн.
«У нейкі момант Пуцін парушыў мір у Еўропе… ЗША і іх саюзнікі актывізуюцца, даказваючы, што НАТА больш патрэбныя, чым калі-небудзь, і важней, чым калі-небудзь», — сказаў Байдэн.
Так, ЗША прынялі рашэнне:
— у Польшчы стварыць пастаянны штаб 5-га армейскага корпуса;
— у Румыніі разгарнуць дадатковую ратацыйную брыгаду;
— у Вялікабрытаніі разгарнуць дзве дадатковыя эскадрыллі F-35;
— у краінах Балтыі палепшыць ратацыю вайскоўцаў;
— у Іспаніі разгарнуць 2 дадатковых эсмінцы ВМФ (у выніку колькасць эсмінцаў павялічылася з 4 да 6);
— у Германіі і Італіі разгарнуць дадатковую ПРА.
У Мадрыдзе з 28 па 30 чэрвеня праходзіць саміт НАТА, на якім Расію хочуць прызнаць пагрозай калектыўнай бяспецы.
