Байдэн: ЗША болей не будуць насаджаць дэмакратыю ў іншых краінах ваенным шляхам
Прэзідэнт ЗША Джо Байдэн у звароце да нацыі ў аўторак паабяцаў, што ў замежнай палітыцы ЗША пачынаецца новая эра: Амерыка болей не будзе насаджаць дэмакратыю ў іншых краінах ваенным шляхам.
AP
Байдэн назваў масавую эвакуацыю з Кабула, якая выклікала жорсткую крытыку ў ЗША, поспехам, на які здольныя толькі Злучаныя Штаты, і заявіў, што варыянт заставацца ў Афганістане пасля 31 жніўня не разглядаўся.
«Вайна ў Афганістане скончана», — падкрэсліў прэзідэнт.
Ён паабяцаў дапамагчы выбрацца з Афганістана амерыканцам, якія застаюцца там, калі яны захочуць з'ехаць, і прыгразіў баевікам ІД у Афганістане: «Разбірацца з вамі мы яшчэ не скончылі».
Але пры гэтым Байдэн заявіў, што ў будучыні для вайны з тэрарызмам амерыканцам не абавязковыя войскі на месцах.
Ён таксама адзначыў, што ЗША будуць працягваць абараняць правы і свабоды ў свеце дыпламатычнымі і эканамічнымі метадамі.
