БАТЭ першым адгукнуўся на заклік карыстацца роднай мовай — фота
Барысаўскі футбольны клуб паабяцаў прыняць меры.
Барысаўскі ФК БАТЭ першым з клубаў Вышэйшай лігі адказаў на запыт наконт папулярызацыі беларускай мовы, зроблены ініцыятывай «Справаводства па-беларуску!»
Пра гэта ў сваім фэйсбуку паведамляе заснавальнік ініцыятывы Ігар Случак.
У адказе Случаку найперш выказваецца падзяка за «любоў да роднай мовы і неабыякавасць да фарміравання і развіцця патрыятычных пачуццяў у аматараў беларускага футбола», якія клуб таксама падзяляе.
У лісце адзначаецца, што на дадзены момант пытанне ад правядзенні мерапрыемстваў па папулярызацыі беларускай мовы знаходзіцца на стадыі разгляду. Плануюцца кансульіацыі па гэтым пытанні ўнутры клуба, а таксама апытанне заўзятараў.
Напрыканцы ліста Ігару Случаку параілі звярнуцца з аналагічным зваротам у Асацыяцыю «Беларуская футбольная федэрацыя».
