Kanstytucyjny fakt
Za hazavymi žarściami my družna praminuli fakt vielizarnaha hieapalityčnaha značeńnia, dla Biełarusi nia mienš važny za rasiejski rubiel. Eŭropa prymaje Kanstytucyju.
Užo praź niekalki miesiacaŭ lozunh «Biełaruś u Eŭropu» budzie zaklikam nie adno da kulturnaha adzinstva, vysokich ekanamičnych standartaŭ i demakratyčnych pryncypaŭ, ale i da supolnaha kanstytucyjnaha ładu. Uviesnu nastupnaha hodu krainy Eŭraźviazu planujuć padpisać Asnoŭny zakon, a ŭvosień jaho ratyfikavać. Eŭropa na vačoch pieratvarajecca ŭ adziny hihancki arhanizm, ab jakim my majem vielmi prybliznaje ŭjaŭleńnie.
Kolki hałasoŭ hipatetyčna moža mieć u Eŭraźviazie Biełaruś? Jak my stavimsia da ŭklučeńnia ŭ Źviaz Turcyi, a ŭ tekst Kanstytucyi — radka pra chryścijanskija kaštoŭnaści Eŭropy? Jak my planujem adstojvać u EZ nacyjanalnyja intaresy?.. Pakul biełaruskaja elita naściarožana pry-hladvajecca da Ŭschodu, našyja susiedzi na Zachadzie poŭnaj chadoj zajmajucca svaimi ŭnutranymi eŭrapiejskimi spravami!
Samy čas vyznačacca.
Spektar rasšyfrovak lozunhu «Biełaruś u Eŭropu!» siarod apazycyjnych siłaŭ vahajecca ad eŭraskieptyčnaha «Aby nie ŭ Rasieju!» da zvyš-aptymistyčnaha «Ŭ Eŭropu lubym koštam!». Ale heta nastroi. A sam paniatak biełaruskich intaresaŭ, jaki źjaŭlajecca klučavym kryteram staŭleńnia, na šlachu da Eŭropy patrabuje ŭžo ciapier sfarmulavanaje kankretyki.
Dazvolu sabie kanspektyŭna nakidać pytańni, jakija musiać cikavić Biełaruś u spravie eŭraintehracyi:
— abjom paŭnamoctvaŭ, jakija Biełaruś pavinna budzie pieradać Bruselu;
— preferencyi nacyjanalnym vytvorcam;
— kvoty hałasoŭ padčas pryniaćcia rašeńniaŭ na ŭsich uzroŭniach;
— eŭra;
— emihracyjnyja praviły;
— vypłaty ŭ supolny biudžet i datacyi ź jaho;
— ahulnaeŭrapiejskija kulturnyja, adukacyjnyja j sacyjalnyja prahramy.
Kali hetaha nie ŭśviadomić ciapier — moža atrymacca jak z toj «sajuznaj dziaržavaj». Takaja ŭžo štuka hetaja intehracyja.
P.S. A ŭvieści ŭ Eŭrakanstytucyju zhadku pra chryścijanskija karani ŭsio-taki treba. I nie puskać u EZ ani Turcyi, ani Rasiei.
Pavał Sieviaryniec