«Lepš mova z pamyłkami, čym nijakaj»
Nielha cyklicca na hetym.
«Možna vypraŭlać pamyłki ŭ movie, ale nielha vinavacić za ich najaŭnaść. Lepš choć jakaja (z pamyłkami) mova, čym biez pamyłak, ale nijakaja. Kali budziem ludziej vinavacić i saromić za pamyłki i rusizmy, to prosta pryjdziem da taho, što ludzi i namahacca razmaŭlać pierastanuć», — napisaŭ čytač Vital u adkaz na tłumačeńnie redaktara ŭ kamientach, čamu pamyłki ŭ NN sustrakajucca čaściej, čym na rasiejskamoŭnych sajtach.
Voś jano:
«Stan movy NN — heta adbitak stanu movy vakoł nas. Kali mała movy ŭ asiarodździ, ludzi jaje błytajuć. Voś jak tut [havorka była pra pamyłku ŭ adnym z artykułaŭ]: pamyłka idzie ŭ skazie, jaki my cytujem. I pamyłak u pieršakrynicach stolki, što ich usie niemahčyma zaŭvažyć. Kolkaść pamyłak źviazany z rostam kolkaści materyjałaŭ i paskareńniem ich publikacyi — heta važna dla čytačoŭ. A taksama z tym, što jakasnaj biełaruskaj pravierki arfahrafii niama. U nas proci rasiejskamoŭnych sajtaŭ dva handykapy: u ich mora krynic na rasiejskaj movie i jakasnaja pravierka arfahrafii pad lubyja prahramy j kampy. I — tak — aŭtary taksama prychodziać u hazietu z zusim słabym viedańniem movy.
A staŭleńnie da hetaj prablemy pavinna hruntavacca na dvuch pryncypach. 1) Treba ciarpliva i paśladoŭna pravić, palapšać, pakazvać, u tym liku nam, na pamyłki. 2) Nielha cyklicca na hetym. Užo sam fakt, što aŭtary
