Kiprskaja kampanija zbuduje hatel na miescy internata BDU

Biełaruskija ŭłady i kiprskaja kampanija Galleria Concept Blr Limited uzhadnili ŭmovy budaŭnictva haściničnaha kompleksu ŭ Minsku na praśpiekcie Pieramožcaŭ zamiest internata BDU. Ukaz № 222, jaki dazvalaje inviestaru prystupać da praktyčnaj realizacyi prajekta, byŭ padpisany 7 maja 2012 hoda.

«Ažyćciavić ŭ 2012–2014 hadach realizacyju inviestycyjnaha prajekta pa budaŭnictvie sučasnaha šmatfunkcyjanalnaha handlova-zabaŭlalnaha kompleksu z haścinicaj i parkinham pa pr. Pieramožcaŭ u Minsku, a taksama infrastruktury, uklučajučy inžyniernuju i transpartnuju, jakaja zabiaśpiečvaje jaho funkcyjanavańnie (dalej — kompleks), u tym liku ŭvod u ekspłuatacyju budynka haścinicy da 1 maja 2014 hoda «, — havorycca ŭ dakumiencie.

Inviestycyjnaja damova pamiž Galleria Concept Blr Limited i ŭładami Minska była padpisana ŭ siaredzinie vieraśnia 2011 hoda. Zhodna z prajektam

inviestar pabuduje 7-paviarchovy zabaŭlalny kompleks (z cokalnym paviercham i ekspłuatavanym dacham) ahulnaj płoščaj kala 70 tys. kv.m z parkinham dla naviednikaŭ na bolš čym 1350 parkovačnych miescaŭ.

10-paviarchovy haściničny kompleks ahulnaj płoščaj prykładna 26 tys. kv.m budzie raźličany na 330 numaroŭ i ŭklučać kanfierenc-zały, SPA-centr.

Ahulny abjom inviestycyj u budaŭnictva šmatfunkcyjanalnaha kompleksu aceńvajecca ŭ sumu bolš jak $ 100 młn.

U ramkach realizacyi prajekta inviestaru (padradčyku) pradstaŭleny šerah padatkovych i administracyjnych ilhot.

Cikava, što ŭ inšaj kiprskaj deviełapierskaj kampanii, Eastleigh trading Ltd., pracavała žonka Viktara Łukašenki Lilija.

Afn.by; SH

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH