Kitaj: Vikipedyja znoŭ dastupnaja karystalnikam Internetu
Internet-encyklapedyja – Vikipedyja – ad siońnia znoŭ dastupnaja ŭ Kitai. Bolš jak hod kitajskija internaŭty nia mieli mažlivaści joj karystacca.
Internet-encyklapedyja – Vikipedyja – ad siońnia znoŭ dastupnaja ŭ Kitai. Bolš jak hod kitajskija internaŭty nia mieli mažlivaści joj karystacca.
Kitajskaja moŭnaja versija Vikipedyi dazvalaje, adnak, pošuk vyklučna apalityčnych artykułaŭ. Temy i artykuły, što i nadalej u Kitai tabu, jak, naprykład, «4 červienia» (dzień kryvavaj łaźni na placy Ćjańańmeń u 1989 h.), zastajucca zablakavanyja.
Kitaj rutynna blakuje dostup da internet-vitrynaŭ z padryŭnym źmiestam i filtruje internet-staronki na najaŭnaść słovaŭ, što mohuć skiroŭvać da takoha źmiestu.
Vikipedyja była zablakavanaja ŭ Kitai ŭ kastryčniku 2005 h.
Niahledziačy na blakadu Vikipedyi, redaktaram jakoj moža stacca kožny, nievialikaja kolkaść kitajskich karystalnikaŭ pasłuhavałasia serverami proksi i inšymi štučkami, kab vyjści na zabaronienyja staronki.
Jak śćviardžajuć analityki, kitajskija ŭłady niepakoić nia stolki źmiest Vikipedyi, kolki adkryty praces jaje stvareńnia, što ŭpłyvaje na pabudovu suviaziaŭ i svajho rodu supolnaści miž redaktarami artykułaŭ, zdolnymi chutka mabilizavacca, kab papaŭniać encyklapedyju ź niezvyčajnaj papularnaściu novym źmiestam.
