Biełaruskija «Vaŭki» atrymali Hran-pry

Hran-pry XIII Biardzianskaha mižnarodnaha kinafiestyvalu ŭdastojena biełaruskaja karcina «Vaŭki» Alaksandra Kołbyšava, źniataja na Nacyjanalnaj kinastudyi «Biełaruśfilm» u minułym hodzie.

Film «Vaŭki», jaki atrymaŭ Hran-pry VII Fiestyvalu biełaruskich filmaŭ, prafiesijnaje žury na čale z narodnym artystam Ukrainy Michaiłam Hałubovičam nazvała ŭładalnikam hałoŭnaj uznaharody Biardzianskaha fiestyvalu ŭ naminacyi «Lepšy ihravy film». U konkursie mastackich filmaŭ «Vaŭki» asprečvali palmu pieršynstva z 13 karcinami z 11 krain. Film Alaksandra Kołbyšava atrymaŭ nie tolki hałoŭnuju ŭznaharodu konkursu «Załaty vietraź», žury taksama acaniła rabotu apierataraŭ hetaj karciny Paŭła Zubryckaha. U «Vaŭkoŭ» pieramoha ŭ naminacyi «Lepšaja apieratarskaja rabota».

U pazakonkursnym pakazie XIII Biardzianskaha mižnarodnaha kinafiestyvalu była pradstaŭlena jašče adna novaja rabota biełaruskich kiniematahrafistaŭ. Heta kamiedyja Alaksandra Kananoviča «Dastyš fantastyš».

Biardzianski mižnarodny kinafiestyval — adzin z samych viadomych kinaforumaŭ Ukrainy, jaki maje bahatuju historyju i tradycyi. Prachodzić pad patranatam Ministerstva kultury i turyzmu Ukrainy. Svaju ciapierašniuju nazvu premija Biardzianskaha mižnarodnaha kinafiestyvalu atrymała ŭ 2010 hodzie. Z 1998 pa 2009 hod vyšejšaja ŭznaharoda fiestyvalu nazyvałasia «Załataja bryhancina».

BIEŁTA

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH

0

0

0

0

0

0