Žan-Kłod Van Dam u Minsk nie pryjedzie
Pradstaŭniki amierykanskaj kampanii Motion Picture Corporation of America (MPCA) nie buduć zdymać kino na bazie «Biełaruśfilma». Pryčynaj stali žorstkija terminy realizacyi vielmi maštabnaha prajektu.
Film z rabočaj nazvaj «Zbroja» pavinien byŭ stać čarhovym bajevikom z udziełam niekali lehiendarnaha, a siońnia padzabytaha aktora
Ajčynnyja ŚMI radasna rastrubili pra toje, što, maŭlaŭ, narešcie zaakijanski starejšy kinabrat źviarnuŭ uvahu i na nas. Adnak padstavaŭ dla radaści akazałasia nie tak užo i šmat.Jak paviedamiŭ namieśnik hienieralnaha dyrektara pa vytvorčaści i płanavańni kinastudyi «Biełaruśfilm» Ivan Kołb, film «Zbroja» ŭ Biełarusi zdymać
«U ich nie tyja terminy, — kaža I. Kołb. — Vyśvietliłasia, što treba budavać vielmi šmat dekaracyj. A jany chacieli skarystacca tym, što jość, razburyć usio i źjechać, byccam pryjechali da dzikunoŭ, jakija buduć radavacca čamu zaŭhodna. A ŭ nas nielha padryvać bienzazapraŭki i stralać na vulicach, chaj navat i chałastymi patronami. Nam patrebny čas, kab atrymać śpiecyjalny dazvoł.
Kab rabić takija prajekty, treba prymać rašeńnie nie za try dni, a chacia b za miesiac. Treba było vysłać scenar, kab my ŭsio vyvučyli, vykazali niejkija svaje prapanovy, praličyli kaštarys filma. A tut ledź nie za try dni ŭsio treba było vyrašyć. Scenar mnie dasłali pa elektronnaj pošcie tolki paśla ich adjezdu ŭ Amieryku, i treba było terminova skłaści kaštarys bieź ich udziełu. Pry hetym nieviadoma, jakija buduć aktory, chto apieratar i hetak dalej».