«Sokał» staŭ apošnim paŭfinalistam plej-of čempijanatu Biełarusi pa chakiei

Kijeŭski «Sokał» staŭ apošnim paŭfinalistam plej-of adkrytaha čempijanatu Biełarusi pa chakiei.

9 sakavika ŭ piatym matčy čverćfinalnaj sieryi suprać mahiloŭskaha «Chimvałakna» ŭkrainski kłub atrymaŭ doma pieramohu ŭ aviertajmie — 2:1 (0:1, 1:0, 0:0, 1:0). Vyrašalnaja šajba była zakinutaja na 8-j chvilinie dadatkovaha času.

Ahulny lik sieryi staŭ 3:2 na karyść «Sokała».

U paŭfinale «Sokał» sustreniecca z «Junactvam», a salihorski «Šachcior» — z «Homielem».

Sieryi pravodziacca da troch pieramoh.

Sustrečy adbuducca 12, 13, 16 i, kali spatrebicca, 17 i 20 sakavika.

Pieršyja dva matčy projduć u Minsku i Salihorsku, pakolki «Junactva» i «Šachcior» zaniali bolš vysokija, čym ich sapierniki, miescy ŭ rehularnym siezonie.

Na pieršym etapie čempijanatu «Šachcior» vyjhraŭ u «Homiela» ŭsie čatyry matčy — 3:2, 1:0, 4:3 (pa bulitach) i 5:2.

«Sokał» dva matčy ŭ «Junactva» vyjhraŭ (3:2 i 4:3) i dva prajhraŭ (1:4, 2:9).

BiełaPAN

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH

0

0

0

0

0

0