Bieły dom patłumačyŭ, ci možna Ukrainie źbivać nad terytoryjaj Rasii samaloty
Ukrainskaja armija nie abmiežavanaja ŭ tym, kab źbivać rasijskija bajavyja samaloty, jakija niasuć patencyjnuju pahrozu abo pravodziać bambardziroŭki avijacyjnymi bombami i pry hetym znachodziacca nad rasijskaj terytoryjaj. Takuju pazicyju vykłaŭ u aŭtorak daradca Biełaha doma Džon Kirbi, adkazvajučy na adpaviednaje pytańnie.
Džon Kirbi. Fota: Evan Vucci / AP Photo
«Ja prosta chaču adznačyć, što ŭ hetym kantekście isnuje niekatoraja błytanina. Nikoli nie było abmiežavańniaŭ na toje, kab ukraincy źbivali varožyja samaloty, navat kali hetyja samaloty nie abaviazkova znachodziacca va ŭkrainskaj pavietranaj prastory», — adznačyŭ Kirbi.
Jon udakładniŭ, što USU «mohuć źbivać rasijskija samaloty, jakija ŭjaŭlajuć nieminučuju pahrozu». Bolš taho, pavodle jahonych słoŭ, ukrainskija vajskoŭcy heta ŭžo robiać i rabili z samaha pačatku vajny.
Čytajcie taksama:
ZŠA hatovyja abmiarkoŭvać z Ukrainaj pašyreńnie hieahrafii ŭdaraŭ pa Rasii
Niderłandy dazvolili Ukrainie vykarystoŭvać F-16 dla naniasieńnia ŭdaraŭ pa celach u Rasii
Jak Ukraina pierakonvała ZŠA dazvolić bić amierykanskaj zbrojaj pa celach u Rasii
Zialenski miarkuje, što Tramp moža stać «prezidentam-łuzieram»
