Zialenski miarkuje, što Tramp moža stać «prezidentam-łuzieram»
Prezident Ukrainy Uładzimir Zialenski vykazaŭ dumku, što kali Donald Tramp pieramoža na vosieńskich vybarach u ZŠA i paśla taho spynić dapamohu Ukrainie, to jon stanie «prezidentam-łuzieram».
Uładzimir Zialenski padčas naviedvańnia frontu
«Niaŭžo jon choča być potym prezidentam-łuzieram? Davajcie ŭjavim sabie, što, naprykład, prezident Tramp vyrašyŭ skončyć vajnu za košt Ukrainy i niejkim čynam u dyjałohu maje paćviardžeńnie z rasijskaha boku, ad Pucina, što «stop».
Ukraincy nie buduć z hetym mirycca, ale tady jon [Tramp] moža skazać: «Nu ŭsio, ja vam nie daju nijakaj padtrymki, zbroi niama, finansaŭ niama». Damovicca z partniorami i jany taksama spyniać padtrymku. Viadoma, Ukraina biez zbroi, hołymi rukami, nie zmoža vajavać sa šmatmiljonnym vojskam», — pryznaŭ Zialenski.
Ale, pavodle jaho, taki krok pryviadzie da taho, što ZŠA straciać status suśvietnaha lidara:
«Ujavicie na siekundu, što paśla hetaha Pucin pojdzie dalej.
Dyk kim budzie dla ŭsiaho śvietu tady hety novy prezident Złučanych Štataŭ? Jon budzie vielmi słabym. A heta kaža nie pra jaho, a pra instytucyjnaść Złučanych Štataŭ. Jany nie buduć lidarami ŭ śviecie. U ich budzie mahutnaja ekanomika, ale što tyčycca mižnarodnaha ŭpłyvu, jon budzie roŭny nulu.
I tady Pucin pojdzie dalej, razumiejučy, što ZŠA ŭžo nie toj hulec. Tady na arenu buduć vychodzić inšyja aŭtarytarnyja lidary. I heta realnaja treciaja suśvietnaja vajna».
Čytajcie taksama:
Što aznačaje abvinavaŭčy vierdykt Trampu? Ci mohuć patencyjnaha prezidenta nasamreč kinuć za kraty?
«Vinavaty pa ŭsich punktach». Prysiažnyja vynieśli vierdykt pa histaryčnaj spravie suprać Trampa
Tramp zajaviŭ, što bambiŭ by Maskvu, kali b Rasija ŭvarvałasia va Ukrainu pry jahonym prezidenctvie
