ZŠA hatovyja abmiarkoŭvać z Ukrainaj pašyreńnie hieahrafii ŭdaraŭ pa Rasii
Vašynhton hatovy abmiarkoŭvać z Kijevam pytańnie pašyreńnia maštabu ŭdaraŭ pa terytoryi Rasii, zajaviŭ kaardynatar pa stratehičnych kamunikacyjach u Radzie nacyjanalnaj biaśpieki Biełaha doma Džon Kirbi.
Džon Kirbi. Fota: Evan Vucci / AP Photo
«Ja dumaju, što nikoha nie pavinna šakavać toje, što Zialenski, z adnaho boku, udziačny, a z druhoha — praciahvaje prasoŭvać svoj kiejs. My praciahniem abmierkavańni.
My źmianili naš padychod u padtrymcy Ukrainy, i ja nie čakaju, što hety padychod źmienicca ŭ najbližejšyja tydni i miesiacy», — skazaŭ Kirbi na bryfinhu, adkazvajučy na pytańnie ab pašyreńni hieahrafii udaraŭ amierykanskaj zbrojaj pa abjektach na terytoryi Rasii.
Ministr zamiežnych spraŭ Ukrainy Dźmitryj Kuleba zajaviŭ, što Ukraina budzie prasić ab pašyreńni maštabu prymianieńnia zachodniaj zbroi.
Čytajcie taksama:
Jak Ukraina pierakonvała ZŠA dazvolić bić amierykanskaj zbrojaj pa celach u Rasii
Bieły dom: Dazvoł na ŭdary zbrojaj z ZŠA pa Rasii tyčycca nie tolki Charkaŭščyny
Bajden tajemna dazvoliŭ Ukrainie bić amierykanskaj zbrojaj pa terytoryi Rasii
