Zialenski: Ukraina pryznaje i Izrail, i Paleścinu
Prezident Ukrainy Uładzimir Zialenski na forumie «Dyjałoh — Šanhry-Ła» ŭ Sinhapury zajaviŭ, što hatovy zrabić usio dla zaviaršeńnia kanfliktu na Blizkim Uschodzie.
Zialenski na forumie ŭ Sinhapury. Skryn tranślacyi
Zialenski kazaŭ, što pryznaje prava Izraila na samaabaronu, jak heta było ŭ kastryčniku 2023-ha.
«Ukraina skazała, što kali terarysty z CHAMASa — heta było ŭ pieršy dzień ataki na hramadzianskaje nasielnictva Izraila — atakujuć hramadzianskaje nasielnictva, Izrail maje prava abaraniacca», — nahadaŭ Zialenski.
Ale dadaŭ taksama, što Ukraina hatovaja dapamahać Hazie humanitarna, kab paźbiehnuć kryzisu.
«Ukraina pryznaje dźvie dziaržavy, i Izrail, i Paleścinu, i zrobić usio, kab Izrail spyniŭsia, kab skončyŭsia hety kanflikt i kab cyvilnyja ludzi nie pakutavali. Tamu nie błytajcie, kali łaska, dva pieryjady i nie źmiešvajcie ich u adzin»,
— zajaviŭ Zialenski.
Čytajcie taksama:
Rasija namahajecca sarvać Samit miru, a Kitaj vystupaje instrumientam u rukach Pucina — Zialenski
Zialenski miarkuje, što Tramp moža stać «prezidentam-łuzieram»
