Zialenski nazvaŭ nierealistyčnymi pieramovy z Rasijaj
Prezident Ukrainy miarkuje, što mirnaje pahadnieńnie budzie «pastkaj».
Fota: telehram-kanał Uładzimira Zialenskaha
Prezident Ukrainy Uładzimir Zialenski ŭ intervju The Guardian nazvaŭ pieramovy z Rasijaj nierealistyčnymi, adznačyŭšy, što vajennym dziejańniam nie vidać kanca.
Mirnaje pahadnieńnie budzie «pastkaj», a rasiejskim uładam nielha vieryć, bo jany parušać damoŭlenaści, miarkuje Zialenski. Na jaho dumku, Maskva vykarystoŭvaje paŭzu ŭ vajennych dziejańniach, kab «umacavać ciahlicy na pole boju», i rana ci pozna bai adnoviacca.
27 traŭnia na sumiesnym bryfinhu ź ispanskim premjeram Pedra Sančesam Zialenski skazaŭ, što Ukraina nie padtrymlivaje ŭdzieł Rasii ŭ mirnym samicie ŭ Šviejcaryi i inšych padobnych mierapryjemstvach, bo ŭ Kijeva «niama nijakaj viery» ŭ žadańnie prezidenta Uładzimira Pucina ŭrehulavać kanflikt.
