Kiraŭnik MZS Polščy nazvaŭ mihracyjny kryzis na biełaruska-polskaj miažy napadam na Jeŭrasajuz
Pa słovach Radasłava Sikorskaha, u mnohich mihrantaŭ, jakija sprabavali pierasiekčy polska-biełaruskuju miažu, byli rasijskija vizy ŭ pašpartach.
Fota: Omar Margues / Getty Images
Mihracyjny kryzis, jaki ŭźnik na miažy Polščy — heta «napad na Jeŭrasajuz», zajaviŭ kiraŭnik polskaha MZS Radasłaŭ Sikorski ŭ intervju Gazeta Wyborcza.
Jon padkreśliŭ, što havorka idzie nie pra mihracyju biednych ludziej, jakija chočuć lepšaha žyćcia. «Na našaj uschodniaj miažy my sutyknulisia z arhanizavanym napadam na Jeŭrapiejski Sajuz. 90% ludziej, jakija sprabujuć pierasiekčy polska-biełaruskuju miažu, majuć u pašpartach rasijskija vizy», — adznačyŭ Sikorski.
Kiraŭnik MZS dadaŭ, što ludziej z roznych krain Afryki i Blizkaha Uschodu spačatku dastaŭlali ŭ Maskvu, a zatym vyvozili ŭ Biełaruś i adpraŭlali na miažu ź Jeŭrasajuzam.
U sakaviku ministr nacyjanalnaj abarony Polščy Uładzisłaŭ Kasiniak-Kamyš zajaviŭ, što kraina «ŭzmocnić prysutnaść vojska va ŭschodnich rehijonach».
Ministr dadaŭ, što sproby niezakonna pierasiekčy miažu Polščy z boku Biełarusi pačaścilisia. Pra čarhovuju chvalu niezakonnaj mihracyi ź biełaruskaj terytoryi paviedamiŭ i Vajskova-vydaviecki instytut (WIW) pry Minabarony Polščy.
Čytajcie taksama:
Polskija pamiežniki pakazali zbroju mihrantaŭ na miažy ź Biełaruśsiu
Na biełaruskaj miažy ciažka paranili polskaha sałdata
U Polščy zatrymali jašče troch biełarusaŭ, jakija nibyta dapamahali nielehalnym mihrantam
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)