Polskija pamiežniki pakazali zbroju mihrantaŭ na miažy ź Biełaruśsiu
Mihranty robiać kopji i atakujuć pamiežnikaŭ.
Fota: Pamiežnaja słužba Polščy
Try polskija pamiežniki paciarpieli paśla napadaŭ z boku mihrantaŭ na miažy ź Biełaruśsiu.
Adzin z pamiežnikaŭ atrymaŭ surjoznaje nažavoje ranieńnie. Jaho kalehu krychu raniej udaryli raźbitaj plaškaj, jašče adzin pamiežnik atrymaŭ ranieńnie paśla ŭdaru samarobnym kapjom, paviedamlaje Pamiežnaja słužba Polščy.
Napad z dapamohaj «ružački» adbyŭsia ŭ rajonie pahranzastavy ŭ Biełaviežy. Mihrant, jaki sprabavaŭ trapić u Polšču z terytoryi Biełarusi, udaryŭ pamiežnika raźbitaj plaškaj u tvar.
U rajonie zastavy ŭ Dubičach-Carkoŭnych prarvacca sprabavała hrupa ź dzieviaci mihrantaŭ. Adzin ź ich paraniŭ pamiežnika ŭ ruku samarobnaj zbrojaj — pałkaj z prymacavanym nažom.
Napady na pamiežnikaŭ adbyvajucca kožny dzień. U ich kidajuć kamiani, halinki, plaški, stralajuć z rahatak. Niadaŭna mihranty paškodzili mašynu pamiežnikaŭ — raźbili škło i pamiali kuzaŭ.
Čytajcie taksama:
Polšča płanuje zaminiravać miažu ź Biełaruśsiu i Rasijaj
Kałaps. Čarha ź lehkavikoŭ u Miednikach na litoŭska-biełaruskaj miažy składaje amal try kiłamietry
Na što Polšča patracić $2,5 miljarda, pryznačanych na ŭmacavańnie miažy ź Biełaruśsiu?
