Na biełaruskaj miažy ciažka paranili polskaha sałdata
Adzin ź mihrantaŭ, jaki sprabavaŭ nielehalna pierasiekčy polska-biełaruskuju miažu, napaŭ na polskaha vajskoŭca. Jaho dastavili ŭ balnicu.
Ilustracyjny zdymak. Fota: Straz_Graniczna / Twitter
Pra heta paviedamiŭ namieśnik ministra ŭnutranych spraŭ i administracyi Česłaŭ Mročak u efiry Pieršaha kanała Polskaha radyjo. Traŭma była ciažkaj, ale žyćciu vajskoŭca nie pahražaje.
— Siońnia ranicaj ja atrymaŭ vielmi kiepskuju viestku, što adzin z vajskoŭcaŭ, jaki sprabavaŭ spynić tych, chto pierasiakaŭ miažu, atrymaŭ nažavoje ranieńnie. Uzmacniajecca mihracyjny cisk i ŭzrastaje ahresiŭnaść hetych ludziej. Jany sprabujuć farsiravać miažu vialikimi hrupami, jakija farmujucca dziakujučy padtrymcy biełaruskich słužbaŭ — zajaviŭ vice-ministr Mročak.
Pavodle źviestak polskich pamiežnikaŭ, za apošnija try dni polska-biełaruskuju miažu sprabavali nielehalna pierasiekčy bolš za 630 čałaviek. U piatnicu było 160 sprobaŭ, u subotu — bolš za 280, u niadzielu — 190.
Usiaho za apošnija troje sutak pamiežnaja słužba i palicyja za sadziejničańnie ŭ arhanizacyi niezakonnaha pierasiačeńnia miažy zatrymali 11 čałaviek. Heta šeść hramadzian Ukrainy, dvoje Turkmienistana i troje biełarusaŭ, jakija sprabavali pieravieźci zamiežnikaŭ. Usiaho z pačatku hoda było zatrymana 176 pamahatych arhanizataraŭ niezakonnaha pierasiačeńnia miažy.
Čytajcie taksama:
U Polščy zatrymali jašče troch biełarusaŭ, jakija nibyta dapamahali nielehalnym mihrantam
Na što Polšča patracić $2,5 miljarda, pryznačanych na ŭmacavańnie miažy ź Biełaruśsiu?
Papularny polski bank staŭ błakavać biełarusam dostup da anłajn-akaŭntaŭ. Što zdaryłasia?
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)