Na Čukotcy pamiežnika i jaho žonku asudzili na siem hadoŭ za antyvajennyja dopisy. Žonka napisała «Žyvie Biełaruś!»
Anadyrski haradski sud Čukockaj aŭtanomnaj akruhi zavočna vynies prysudy eks-supracoŭniku pahransłužby FSB Ramanu Nazaruku i jaho žoncy Anastasii Nazaruk, jakija emihravali z Rasii, piša «Nastojaŝieje vriemia».
Abodvuch pryznali vinavatymi pa spravie ab raspaŭsiudzie «fejkaŭ» pra rasiejskaje vojska pa matyvach palityčnaj nianaviści (p. «d» č. 2 art. 207.3 KK) i pryznačyli im pa siem hadoŭ kałonii.
Prysud Ramanu vynieśli 10 krasavika 2024 hoda, a Anastasii — 23 krasavika. Ramanu Nazaruku pastavili ŭ vinu 16 publikacyj na jahonaj staroncy va «UKantakcie» — usie jany pryśviečanyja rasijskamu ŭvarvańniu i hibieli mirnych žycharoŭ va Ukrainie.
Anastasija Nazaruk na svaim jutub-kanale publikavała videa z antyvajennych mitynhaŭ i vinšavańnie z Novym hodam sa słovami: «Žadaju pieramohi Ukrainie i Izrailu, Pucina ŭ Haahu, svabodu Rasii, Žyvie Biełaruś!»
