«Na mianie pahladzi, ja***sia ź im? Šluška Raimbieka. Padymi hałavu». U sudzie nad kazachskim ministram pakazali šakujučaje videa
U historyi z zabojstvam žonki byłoha ministra nacyjanalnaj ekanomiki Kazachstana Kuandyka Bišymbajeva vyjavilisia novyja padrabiaznaści.
Sułtanat Nukienava i Kuandyk Bišymbajeŭ. Skryn videa: annahanna67 / YouTube
Jak paviedamlałasia, u Kazachstanie prachodziać sudovyja słuchańni pa spravie ab zabojstvie byłym ministram nacyjanalnaj ekanomiki krainy Kuandykam Bišymbajevym svajoj hramadzianskaj žonki Sałtanat Nukienavaj.
Pa viersii śledstva, Bišymbajeŭ źbivaŭ žančynu na praciahu 8 hadzin. Ciapier u sudzie byli prademanstravany 12 videa, jakija znajšli ŭ telefonie abvinavačanaha.
Z-za žorstkaści zapisanych scenaŭ videa hladzieli tolki niepasrednyja ŭdzielniki pasiadžeńnia. Pa ich słovach, na kadrach vidać, što na Sułtanat z adzieńnia tolki čorny płašč. Jana ŭsia ŭ kryvi.
Na videa mužčyna sprabuje vyśvietlić u svajoj žonki, ci zdradžvała jana jamu, a taksama patrabuje pryznańnia ŭ tym, što jana ŭstupała ŭ seksualnyja adnosiny da taho, jak pačała sustrakacca ź im. Jon padazraje, što ŭ Sułtanat byŭ intym ź jaje siabram Raimbiekam.
Na adnym ź videa žančyna poŭzaje pa padłozie, prosicca ŭ prybiralniu, a Bišymbajeŭ źnievažaje jaje: «Nijaki, na**j, tualet, šukaj, bł***, šval, bł***! Ty spała ź im? Što, s***, ty mnie pi***š? Ty była jaho kachankaj?!»
Jak paviedamlajecca, padčas prahladu videa brat Sułtanat nie zmoh strymać śloz, a siastry daviałosia vyklikać chutkuju.
Sam Bišymbajeŭ zajaviŭ, što hetyja kadry — «mantaž», a jaho telefon «uzłamali». Paźniej, praŭda, pryznaŭsia, što chacieŭ «źniavažyć žonku» ŭ adkaz na toje, što jana vykinuła jaho padarunki. Pa słovach złačyncy, u jaho «nie zastałosia psichičnych siłaŭ, kab trymać siabie ŭ rukach».
Na pytańnie staršyni suda, navošta mužčyna zdymaŭ hetyja videa, eks-ministr adkazaŭ, što heta było «žadańnie źniavahaj adkazać na źniavahu». Paźniej čarhovy raz zajaviŭ, što nie zhodny z abvinavačvańniem u zabojstvie z asablivaj žorstkaściu, ale pahadziŭsia, što datyčny da śmierci žonki.
Eks-ministru pahražaje pažyćciovaje źniavoleńnie.
Čytajcie taksama:
Eks-ministr ekanomiki Kazachstana na sudzie paprasiŭ prabačeńnia ŭ Nazarbajeva
