Znajści
Ałharytmičny łacinski varyjant
20.04.2024 / 16:0722RusŁacBieł

Śviatłana Kurs: Rasiejcy zajšli na svajo apošniaje koła

U novym vypusku tok-šou «Žyćcio-malina» viadomaja biełaruskaja piśmieńnica raspaviała, čym biełarusy adroźnivajucca ad ruskich i čamu Pucin budzie pieramožany.

Śviatłana kurs u tok-šou «Žyćcio-malina». Skrynšot videa

Jaje słovy pierakazvaje vydańnie «Salidarnaść».

«Biełaruski narod paprostu dobry, jon skiravany na siabie, a nie na ekspansiju i na toje, kab łamać praz kalena susiedziaŭ. Biełaruski prajekt nakiravany na ŭładkavańnie biełaruskaha žyćcia i ziamli, kab u kožnaha byŭ dom, dzieci, biaśpieka, zakonnaść, prava na samarealizacyju», — skazała ŭ intervju piśmieńnica Śviatłana Kurs (jana ž Jeva Viežnaviec).

Jana taksama dadała, što ruskamu čałavieku vielmi važna, kab była ekspansija, prymušać inšyja narody žyć tak, jak jany.

Piśmieńnica raspaviała, što pa svajoj pryrodzie źjaŭlajecca daśledčycaj i šukała adkazy na niekatoryja pytańni na rasijskich forumach.

«Adzin čałaviek adkazaŭ na majo pytańnie. Jon napisaŭ: nie vašaja sabačaja sprava, što z našaj ziamloj, zachočam — zrobim jaje dobraj, zachočam — zasrom całkam, hałoŭnaje, što heta ziamla — naša».

Śviatłana Kurs ličyć, što ciapierašni režym u Rasii doŭha nie praisnuje.

«Pucina historyja pieramoža. Mnie zdajecca, rasiejcy zajšli na svajo apošniaje koła. Jany abiaskrovili ŭłasnuju krainu. Jany ž svaich pierš za ŭsio taŭkuć. Abiaskrovili ŭłasnuju impieryju, a takoj kolkaściu i takoj jakaściu ludziej impieryi nie budujucca. Pucin budzie pieramožany».

Piśmieńnica taksama raspaviała, što aznačaje być biełarusam u sučasnaj Biełarusi.

«U krainie stvoranaja takaja sistema, što biełarusam pavinna być baluča. Toje, što ty biełarus, tabie pavinna baleć. Tabie z hetaha pavinna pastajanna prylatać. Ty pavinien siadzieć u turmie, ź ciabie buduć śmiajacca z-za hetaha.

Tvaje biełaruskamoŭnyja roliki źbiaruć u čatyry razy mieniej łajkaŭ, tvaju movu nie vykładajuć u škołach i hetak dalej. Ty možaš jak Paša Biełavus za biełaruski nacyjanalizm na 7 hadoŭ sieści. Tvaju spravu rastopčuć, razdaviać i abjaviać ekstremisckaj.

Usio zroblena dla taho, kab biełarusam być było baluča, a ruskim — u mieru biaśpiečna», — ličyć Śviatłana Kurs.

Piśmieńnica adkazała na pytańnie, čamu na vystup umoŭnaha Hryhoryja Lepsa źbirajecca «Minsk-Arena»:

«Kali svajo prytopčana, vyhnana i zabaroniena, i škoł biełaruskich nie isnuje, to śviata miesca pusta nie byvaje, čałavieku patrebna radaść, kultura, mastactva. Kali nie budzie svajho albo zachodniaha, buduć chadzić na rasijskich zorak».

Čytajcie taksama:

U dziaržvydaviectvie publikujuć raman, jaki kapiruje siužet «Pa što idzieš, voŭča?»

Saša Filipienka, KOOB, Volha Šparaha, Alaksandr Kazieła: u Bierlinie adbudziecca vialiki fiestyval niezaležnaj biełaruskaj kultury

Dźviuch biełaruskich piśmieńnic vydaduć pa-polsku

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
54
Панылы сорам
1
Ха-ха
4
Ого
1
Сумна
5
Абуральна
6
1
Kšysiek/adkazać/
22.04.2024
Rečaisnaść, lustracii etot dziejač kultury i sam by nie chotieł, potomu kak i samomu natiažka harantirovana.
0
Gorliwy Litwin/adkazać/
23.04.2024
ujaŭnaja Rečaisnaść, Kurs to ŭ kožnym razie mienavita nacyjanalistka. dyj miaža pamiž śjadomymi i nievierahodnymi nie takaja ŭžo i rezkaja, jak i pamiž tymi i druhimi i čekistami. Šmat luccoŭ biehaje z adnaho łahieru ŭ inšy i ŭsiudy siabie kamfortna adčuvajuć. Lustracyi nijakaj nie budzie, bo čekisty zastanucca pry ŭładzie, tolki trochi "azdobiacca" śviadomymi kadrami ź liku tych jakich dobra viedajuć i mohuć daviarać. Biełaja Ruś, jak i lubaja inšaja Ruś, choć fijaletavaja, svajoj sutnaści źmianić nie moža.
0
Maksim Dizajnier/adkazać/
23.04.2024
[Red. vydalena]
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera