U Kazachstanie paciarpieŭ krušeńnie ciahnik ź biełaruskimi kalijnymi ŭhnajeńniami
Na stancyi Dastyk pad Ałmatoj Kazachstanskaj čyhunki adbyŭsia schod vahonaŭ u ciahniku, jaki ruchaŭsia z boku stancyi Žałanaškol. Učastak Žałanaškol — Dastyk adnaputny, nieelektryfikavany.
Skrynšot videa Kazachstanskaja čyhunka
U vyniku schodu adbyłosia sutyknieńnie vahonaŭ z łakamatyvam, jakija znachodzilisia na susiednim puci. Paškodžany niekatoryja elemienty stancyjnaj infrastruktury, paviedamlaje «Supolnaść čyhunačnikaŭ».
Sastaŭ składajecca z 39 fitynhavych płatformaŭ. Na stancyi Dastyk kantejniery pavinny byli pierahruzić z płatformaŭ kalejnaściu 1520 milimietraŭ (pryniataj na prastory Rasii i Biełarusi) na płatformy kalejnaściu 1435 milimietraŭ, jakaja vykarystoŭvajecca na kitajskich čyhunkach i dastavić u Siań.
Papiaredniaj pryčynaj schodu staŭ pieravod strełki pad ruchomym sastavam albo niaspraŭnaść strełačnaha pieravodu,
