Minskija plažy buduć kantralavać bieśpiłotniki i siłaviki ŭ cyvilnym
Pieramiaščacca milicyjanty buduć na skuterach i rovarach.
Milicyja budzie kantralavać minskija plažy pa-novamu. Pra heta raspavioŭ namieśnik načalnika ŭpraŭleńnia achovy pravaparadku i prafiłaktyki HUUS Minharvykankama Siarhiej Pryhodzič.
Pavodle jaho słoŭ, milicyja ŭžo pravodzić kompleksnyja pravierki i ahlady staličnych plažaŭ. Asablivaja ŭvaha nadajecca infrastruktury i najaŭnaści zabaranialnych znakaŭ i infarmacyjnych stendaŭ, paviedamlaje Minsk-Naviny.
Kupacca ŭ miežach Minska možna tolki ŭ troch miescach: u vadaschoviščach Cnianskaje i Drazdy, a taksama ŭ Kamsamolskim voziery. Za kupańnie ŭ astatnich vadajomach možna atrymać štraf.
Sačyć za paradkam na plažy ŭ hetym hodzie buduć z dapamohaj dronaŭ. Akramia taho, u miescach adpačynku buduć pracavać supracoŭniki milicyi ŭ cyvilnym adzieńni. Patrulnym vydaduć skutery i rovary.
