Znajści
Ałharytmičny łacinski varyjant
17.04.2024 / 21:5429RusŁacBieł

Google błakuje Biełaruskuju Vikipiedyju. Jak tak stała i što zaraz budzie?

Redaktary svabodnaj encykłapiedyi zaŭvažyli, što pošukavik pavodzić siabie dziŭna. 

U sacsietkach vikipiedysty padzialilisia vostraj prablemaj: kali šukać praz Google pa-biełarusku, to trapić na artykuł u Biełaruskaj Vikipiedyi vielmi składana.

Jak adznačajuć redaktary, niaredka Google vydaje na biełaruskamoŭnyja zapyty najpierš artykuły pa-rusku, časam moža pa-polsku, pa-anhlijsku, navat pa-litoŭsku, ale tolki nie pa-biełarusku. Na karcinu mała ŭpłyvaje źmiena movy interfiejsu z ruskaj na biełaruskuju ci vykarystańnie VPN.

Zamiest Biełaruskaj Vikipiedyi Google prapanuje čytać jaje śmiećcievuju kopiju. Skrynšot

U jakaści prykładu pryvodzicca artykuł pra biełaruskaha architektara Ściapana Vałansieviča, jaki isnuje ŭžo bolš za hod. Artykuł nie maje anałahaŭ na inšych movach, a samo imia tvorca možna adnieści da «viernutych» — pa-biełarusku pra jaho da 2023 hoda nikoli nie pisali.

Zdavałasia b, majučy ŭnikalny kantent, artykuł u Biełaruskaj Vikipiedyi musić vydavacca pieršym pa kankretnym biełaruskim zapycie. Da taho ž viadoma, što Vikipiedyja vielmi chutka indeksujecca ŭsimi pošukavikami. 

Artykuł pra Vałansieviča dosyć padrabiazny i aformleny pa ŭsich praviłach Vikipiedyi, ale heta jamu nie dapamahaje. Skrynšot Vikipiedyi

Ale artykuł nie vydaje, jak adznačajuć vikipiedysty, ani pieršym, ani druhim, ani apošnim radkom u Google. Uviersie vydačy — śmiećcievy sajt, jaki kradzie źmieściva z artykułaŭ u Vikipiedyi. Atrymać patrebny artykuł ad Google nie ŭdałosia nijakimi chitraściami. U toj ža čas rasijski Jandeks vydaje jaho pieršym. 

«Heta ŭsio da pytańnia, čamu ŭ Biełaruskaj Vikipiedyi prahladaŭ ź Biełarusi ŭ rajonie statystyčnaj chiby. A vy pasprabujcie jašče trapić u jaje praz Huhł!» — aburajecca adzin ź vikipiedystaŭ. 

My paprasili prakamientavać prablemy z vydačaj biełaruskamoŭnaha kantentu inšych redaktaraŭ Vikipiedyi.

Budynak Hrodzienskaha realnaha vučylišča, sprajektavany Vałansievičam. Fota: photobuildings.com

«My daŭno sutyknulisia z hetaj prablemaj. Spačatku nam zdavałasia, što takaja vydača ŭ Huhle hruntujecca na tym, što Ruskaja Vikipiedyja, jakuju piša značna bolš aŭtaraŭ, prosta bolš jakasnaja i raspracavanaja, a tamu jaje vydaje pry pošuku pieršaj. Z časam situacyja źmianiłasia — pamier artykułaŭ pa peŭnych temach staŭ bolšym za pamier anałahičnych artykułaŭ, napisanych pa-rusku, a niekatoryja prosta nie majuć ruskaj viersii. Ale ŭ vydačy ničoha nie źmianiłasia na karyść našaj Vikipiedyi. 

Apošnim časam my supastavili svaje razroźnienyja nazirańni i pryjšli da vysnovy, što ałharytmy Huhła panižajuć biełaruskamoŭnuju viersiju ŭ vydačy. Vydača pracuje pamyłkova nie ŭ 100% vypadkach, umoŭnaha Kaściušku i Kalinoŭskaha vam vydaść, ale ŭ astatnich vypadkach prablema nastolki zaŭvažnaja i miescami absurdnaja, što jaje niemahčyma ihnaravać.

Treba, kab niechta razmaŭlaŭ z supracoŭnikami kampanii, tłumačyŭ asablivaść biełaruskaj moŭnaj situacyi, kab niejak źmianić situacyju. Ale sami vikipiedysty nie majuć niejkaj arhanizavanaj struktury dla hetaha», — prakamientavaŭ situacyju naš surazmoŭca.

Mahčyma jašče adnoj pryčynaj prablem ź Biełaruskaj Vikipiedyjaj stała ahulnaje paharšeńnie jakaści pošuku Google, jakoje adznačajuć ekśpierty. Pošukavik prajhraje vajnu śmiećcievym sajtam, takim, jak pirackija kopii Vikipiedyi, pakazvaje niajakasny kantent uviersie vydačy.

@nashaniva Nu kali ŭžo Biełoruśsiju pierajmianujuć u Biełaruś? #žyviebiełaruś#biełaruś#biełorusy#biełaruskajamova#našaniva#biełoruśsija♬ Minimal for news / news suspense(1169746) - Hiraoka Kotaro

«Naša Niva» — bastyjon biełaruščyny

PADTRYMAĆ

Čytajcie taksama:

Pra kaho ź biełaruskich palitykaŭ najbolš čytajuć u Vikipiedyi?

Całkam zapracavaŭ rasijski anałah «Vikipiedyi» z cenzuraj. Što ŭ im pra Biełaruś i Ukrainu?

Na Vikischovišča zahružany 100-miljonny fajł

Vikipiedyja nazvała staronki, jakija najbolš prahladalisia ŭ 2023 hodzie

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
9
Панылы сорам
10
Ха-ха
4
Ого
5
Сумна
23
Абуральна
104
2
Vučy Movu Rusi, Movu Litvy, a nie bałharska-tatarski suržyk/adkazać/
18.04.2024
Ponty dorožie dienieh
Dieńhi - heta ad tatarskaha tieńhie.
Va usich słavianaŭ - charvataŭ, sierbaŭ, palakaŭ, čechaŭ, ukraincaŭ, biełarusaŭ - hrošy, hroši, hroshy.

Adpačyvaj, čynhiz sa znakam jakaści, achachachach)
0
Muščyna 30 let/adkazać/
19.04.2024
Žeka, pojdieš tohda v pravosłavnyj konsiervativnyj Jandieks. Chotia v principie i siejčas nikto nie zaprieŝajet
0
niepravda /adkazać/
21.04.2024
Vučy Movu Rusi, Movu Litvy, a nie bałharska-tatarski suržyk, Na sierbochorvatskom novac ili parie, na čiešskom peníze, słov. peniaze , bołh. pari... Možiet napomniš nam, kotoryj "słavianskij" narod nazyvajet płoŝad́ turieckim słovom meydan?
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera