Na Vikischovišča zahružany 100-miljonny fajł
Jubilejny fajł byŭ zahružany ŭviečary 16 listapada. Usie 100 miljonaŭ fajłaŭ dastupnyja dla svabodnaha vykarystańnia dla miljardaŭ ludziej pa ŭsim śviecie, jakija karystajucca Vikipiedyjaj. Biełaruskich fotazdymkaŭ taksama niamała, ale kožny moža dapamahčy zrabić ich jašče bolš.
Zdymak zubra ŭ Biełaviežskaj puščy, jaki atrymaŭ na Vikischoviščy najvyšejšyja adznaki. Fota: Wikimedia Commons
Vikischovišča — heta schovišča dla malunkaŭ, hukazapisaŭ, videarolikaŭ i inšych multymiedyjnych fajłaŭ, jakija vykarystoŭvajucca ŭ prajektach Fondu Vikimiedyja, najbolš viadomym ź jakich źjaŭlajecca, viadoma, Vikipiedyja, ale isnujuć taksama Vikidanyja, Vikiviersitet, Vikikrynicy, Vikicytatnik, Vikihid, Vikinaviny i inšyja nie mienš važnyja prajekty.
Schovišča pačało svaju pracu ŭ vieraśni 2004 hoda. Pačynajučy z 2016 hoda, siaredni rost prajekta składaŭ 10 miljonaŭ fajłaŭ na hod. Fajły ź Vikischovišča možna svabodna raspaŭsiudžvać, źmianiać i vykarystoŭvać u lubych, u tym liku kamiercyjnych, metach.
Adzin ź pieramožcaŭ «Viki lubić falkłor» u hetym hodzie. Fota: Wikimedia Commons
Dakładna vyśvietlić, jaki kankretna fajł staŭ 100-miljonnym, praktyčna niemahčyma praz toje, što fajły nie tolki niaspynna dadajucca ŭ prajekt, ale i niaspynna vydalajucca tyja, što nie adpaviadajuć praviłam — u pieršuju čarhu, parušajuć aŭtarskija pravy.
Fond Vikimiedyja pravodzić šerah štohadovych mižnarodnych fotakonkursaŭ, kab papaŭniać Vikischovišča najbolš zapatrabavanymi, jakasnymi i aktualnymi fotazdymkami. Konkurs «Viki lubić pomniki», u ramkach jakoha ŭdzielniki zahružajuć zdymki histaryčnych budynkaŭ i miaścin, navat trapiŭ u Knihu rekordaŭ Hiniesa, jak samy masavy ŭ śviecie. Na vialiki žal, Biełaruś udzielničała ŭ im usiaho adzin raz u dalokim 2012 hodzie.
Fota Polypodium aureum — adzin ź pieramožcaŭ letašniaha konkursu «Viki lubić navuku». Fota: Wikimedia Commons
Siarod inšych važnych konkursaŭ — «Viki lubić Ziamlu», «Viki lubić navuku» i «Viki lubić falkłor», u ramkach jakich udzielniki zahružajuć adpaviedna zdymki pryrody, navukovyja fatahrafii, materyjały pra miascovuju narodnuju kulturu.
Vialiki ŭniosak u papaŭnieńnie Vikischovišča robiać bujnyja zachodnija muziei, biblijateki dy archivy, jakija aličboŭvajuć svaje fondy. U Biełarusi nijakich padobnych vysiłkaŭ nie pradprymajecca.
Tym nie mienš, na siońnia entuzijastami zahružana ŭžo zvyš 766 tysiač fajłaŭ, prama ci ŭskosna źviazanych ź Biełaruśsiu.
Adny z apošnich zdymkaŭ na Vikischoviščy pa Biełarusi — draŭlanyja chaty z raźbianymi lištvami pa vulicy Levanieŭskaha ŭ Homieli. Fota: Wikimedia Commons
Ale fajłaŭ zaŭsiody mała, u hetym možna pierakanacca, pahladzieŭšy artykuły pra biełaruskija vioski, reki, aziory, vulicy haradoŭ, pra kulturnych i hramadskich dziejačaŭ. Dapamahčy vypravić heta vielmi prosta — dastatkova zarehistravacca ŭ viki i nacisnuć knopku, kab zahruzić svaje miedyjafajły.
«Naša Niva» — bastyjon biełaruščyny
PADTRYMAĆČytajcie taksama:
Raspačaŭsia najbujniejšy fotakonkurs. Udzielničać moža kožny, a zdymki pabačać pa ŭsim śviecie
Skandał u ruskaj «Vikipiedyi» moža być pradvieśnikam tatalnaj błakiroŭki svabodnaj encykłapiedyi
