Biełaruś zaniała 19-je miesca ŭ śviecie pa roście płoščy lasoŭ
Pavodle danych Suśvietnaha banka, z 2001 pa 2021 hod płošča lasoŭ Biełarusi pavialičyłasia na 4734 kvadratnych kiłamietraŭ, abo na 6%, paviedamlaje Thinktanks.by
Na pieršym miescy pa hetym pakazčyku znachodzicca Kitaj. U pieryjad z 2001 pa 2021 hady Kitaj pavialičyŭ płošču svaich lasoŭ amal na 425 tysiač kvadratnych kiłamietraŭ.
ZŠA zajmajuć druhoje miesca. Za anałahičny pieryjad płošča lasoŭ ZŠA pavialičyłasia na 57,4 tysiačy kvadratnych kiłamietraŭ.
Na trecim miescy — Rasija. Z 2001 pa 2021 hod płošča lasoŭ u Rasii pavialičyłasia na 54,6 tysiačy kvadratnych kiłamietraŭ.
«Niahledziačy na hłabalnyja namahańni pa adnaŭleńni lasoŭ, z 2001 hoda śviet usio ž straciŭ kala 1 młn kvadratnych kiłamietraŭ lasoŭ», — pišuć śpiecyjalisty Visual Capitalist sa spasyłkaj na danyja Suśvietnaha banka.
Pavodle źviestak Biełstata, na 1 studzienia 2023 hoda 40,1% terytoryi Biełarusi było pakryta lesam. Samaj zialonaj akazałasia Homielskaja vobłaść — tam lasy zajmali 47% terytoryi ad ahulnaj płoščy rehijonu.
Čytajcie taksama:
MTZ pačaŭ vypusk lasnoha traktara. Pahladzicie, jak jon vyhladaje
U Biełarusi ŭviali pieršyja abmiežavańni na naviedvańnie lasoŭ
