Pavieł Duraŭ daŭ intervju Takieru Karłsanu
Zasnavalnik «UKantakcie» i Telegram Pavieł Duraŭ raspavioŭ, što daŭ intervju byłomu viadučamu telekanała Fox News Takieru Karłsanu, jaki ŭ lutym braŭ vialikaje intervju ŭ Pucina.
Pavieł Duraŭ. Fota: AOP.Press / Corbis via Getty Images
Intervju, napisaŭ Duraŭ, vyjdzie «zusim chutka». Jon dadaŭ, što ŭ dzień razmovy z Karłsanam taksama daŭ trochhadzinnaje intervju žurnalistu «libieralnych pohladaŭ» (kamu mienavita, jon nie ŭdakładniŭ).
«Jak lidar palityčna niejtralnaj płatformy, ja abaviazany mieć znosiny z žurnalistami, jakija pradstaŭlajuć roznyja palityčnyja pohlady», — napisaŭ Duraŭ. Pavodle jaho słoŭ, takim čynam jon zmoža «zastavacca sumlennym u adnosinach da ŭsioj aŭdytoryi i raskazać usim historyju Telegram».
Duraŭ napisaŭ, što anons intervju budzie apublikavany ŭ aficyjnym telehram-kanale Takiera Karłsana, jaki toj niadaŭna zavioŭ.
Były viadučy Fox News Takier Karłsan u lutym 2024 hoda ŭziaŭ intervju ŭ Uładzimira Pucina. Jano stała pieršaj takoha kštałtu razmovaj Pucina z zachodnim žurnalistam za apošnija niekalki hadoŭ. Karłsan viadomy siabroŭstvam z Donaldam Trampam i dobrazyčlivym staŭleńniem da Rasii.
Pavieł Duraŭ taksama vielmi redka daje intervju. U sakaviku 2024 hoda Duraŭ daŭ pieršaje za siem hadoŭ vialikaje intervju vydańniu Financial Times.
Čytajcie taksama:
Šolc i Bajden razam paśmiajalisia ź intervju Pucina
«Ja znajšoŭ histaryčnuju kartu Manholii». Eks-prezident Manholii patroliŭ Pucina
NN, pieriestańta pisať čuš. Takier nikohda s Trampom nie družił kromie toho v jeho pieriepiskie prizyvał izbvaviťsia ot Trampa kak političieskoj fihury. Takier do 2020 hoda był zariehiestrirovannym storońnikom Diemokratičieskoj partii. Vsie čto on diełajet isklučitielno dla zarabatyvanija dienieh. Ja nie udivluś jeśli Durov kak i Putin zapłatił za intiervju s cielju prodvižienija FSBšnoho tielehramma v massy.