Šolc i Bajden razam paśmiajalisia ź intervju Pucina
Fiederalny kancler Hiermanii Ołaf Šolc dniami naviedaŭ ZŠA, dzie sustreŭsia z prezidentam hetaj krainy Džo Bajdenam. Jak piša ahladalnik Bild Hierbiert Baŭerniebiel, Šolc i Bajden abmierkavali intervju rasijskaha prezidenta Uładzimira Pucina amierykanskamu žurnalistu Takieru Karłsanu i «padniali jaho na śmiech».
Paśla Ołaf Šolc prakamientavaŭ razmovu Uładzimira Pucina z Takieram Karłsanam padčas pres-kanfierencyi i nazvaŭ hetaje intervju «śmiechu vartym».
«Ciapier my bačyli intervju rasijskaha prezidenta. Ščyra kažučy, tam tolki vyśmiejvajucca realnyja dziejańni Rasii va Ukrainie i raskazvajecca absalutna absurdnaja historyja pra pryčyny hetaj vajny.
Jość całkam jasnaja pryčyna. Heta vola rasijskaha prezidenta i Rasii anieksavać častku Ukrainy. I lubyja historyi, jakija raskazvajucca pra heta, nie mianiajuć taho, što mienavita ŭ hetym i jość meta jahonych impieryjalistyčnych namieraŭ», — padkreśliŭ niamiecki kancler.
Čytajcie taksama:
«My adviali vojski ad Minska». Niečakanaja ahavorka Pucina
Pucin zbłytaŭ Šuškieviča z Šuchievičam
Pucin u intervju Karłsanu abvinavaciŭ Kijeŭ i Zachad u pačatku ciapierašniaj vajny va Ukrainie
